मुंबई – महाराष्ट्रातील ठाणे जिल्ह्यातील एका गावात एसीबीच्या अधिकाऱ्याला पाहून लाचखोर महसूल अधिकारी त्याच्या दुचाकीवरून पळून गेल्याची घटना घडली. जमीन प्रकरणावर तोडगा काढण्यासाठी महसूल अधिकाऱ्याने लाच मागितली होती, ज्याची तक्रार एसीबीपर्यंत पोहोचली होती. त्यानंतर लाचलुचपत प्रतिबंधक विभागाने (एसीबी) सापळा रचला.
जमीन हस्तांतरणासाठी करण्यात आली होती 13 हजार रुपयांची मागणी
अधिकाऱ्यांनी दिलेल्या माहितीनुसार, जिल्ह्यातील शहापूर तालुक्यातील खुटघर शहापूर गावात बुधवारी ही घटना घडली. हाऊसिंग सोसायटीच्या नावे जमीन हस्तांतरित करण्यासाठी आरोपींनी तक्रारदाराकडे 13 हजार रुपयांची मागणी केली होती. वाटाघाटीनंतर ही रक्कम 5 हजार रुपये ठरली. आरोपींनी तक्रारदाराकडून तीन हजार रुपयेही स्वीकारले. त्यानंतर तक्रारदाराने या प्रकरणाची दखल घेण्यासाठी एसीबीच्या ठाणे युनिटशी संपर्क साधला. यानंतर महसूल अधिकाऱ्याला पकडण्यासाठी सापळा रचण्यात आला.
आरोपी फरार
त्यानंतर एसीबीचे पथक तक्रारदार आणि पाच साक्षीदारांसह आरोपी महसूल अधिकाऱ्याच्या कार्यालयात पोहोचले. तेथे तक्रारदाराला महसूल अधिकाऱ्याला तीन हजार रुपये देण्यास सांगितले मात्र ते महसूल अधिकाऱ्याच्या लक्षात आले आणि त्याने सर्वांना धक्काबुक्की करून तेथून पळ काढला. एसीबीने लाचलुचपत प्रतिबंधक कायद्यांतर्गत गुन्हा दाखल केला असून नंतर शहापूर पोलिस ठाण्यात गुन्हा दाखल करण्यात आला आहे.