नवी दिल्ली : सणासुदीच्या हंगामाची सुरुवात होताच लोक या दिवसात बाजारात खरेदी करत आहेत. मोठ्या ई-कॉमर्स कंपन्या त्यांच्या ग्राहकांसाठी सणासुदीच्या सामानांची विक्री करत आहेत. मात्र आजही देशातील मोठ्या संख्येने लोक दुकानातून खरेदीला जाण्यास प्राधान्य देतात. अशा परिस्थितीत सरकारचे ग्राहक मंच ग्राहकांच्या हक्कांचे संरक्षण करण्यासाठी वेळोवेळी नवनवीन नियम आणत असते. देशात अशी अनेक प्रकरणे समोर आली आहेत, ज्यात अनेक मॉल्स आणि स्टोअर्स कॅरीबॅगच्या बदल्यात ग्राहकांकडून शुल्क आकारतात. ग्राहक मंचाने दोन वर्षांपूर्वी आदेश जारी केला होता की, आता कोणताही दुकानदार कॅरीबॅगसाठी ग्राहकांकडून शुल्क आकारणार नाही. पण अनेक कंपन्या या नियमाचे पालन करुन हे पैसे घेत नाहीत.
अलीकडेच, ग्राहक मंचाने देशातील सर्वात मोठी कंपनी बिग बाजारला ग्राहकांकडून कॅरीबॅगसाठी वेगळे शुल्क आकारल्याबद्दल दंड ठोठावला आहे. यापूर्वी दोन वर्षांपूर्वी मंचाने कंपनीला 10 हजार रुपयांचा दंड ठोठावण्याचे आदेश दिले होते. त्याचबरोबर कॅरीबॅगसाठी 18 रुपये आणि मानसिक त्रासासाठी 500 रुपये दंड भरण्याचे आदेशही ग्राहकाला देण्यात आले.
काय आहे ग्राहक संरक्षण कायदा 2019 ?
ग्राहकांचे हक्क लक्षात घेऊन केंद्र सरकारने अनेक नियम बनवले असून ग्राहक संरक्षण कायदा 2019 लागूही केला आहे. या नियमाद्वारे, सरकार दुकानदारांचे नियमन करण्याचा प्रयत्न करते आणि ग्राहकांच्या हिताचे रक्षण करते. जर एखाद्या ग्राहकाला कोणत्याही दुकानदार किंवा कंपनीविरुद्ध तक्रार करायची असेल तर तो या ग्राहक मंचात तक्रार करू शकतो. जर कोणी तुम्हाला कॅरीबॅगसाठी स्वतंत्रपणे विचारले, तर तुम्ही तक्रार नोंदवू शकता, कारण कॅरीबॅगसाठी पैसे मागणे दंडनीय अपराध आहे.
तुम्ही अशी तक्रार करू शकता-
बिलिंग काउंटरवर जेव्हा तुम्हाला तुमच्या वस्तूंचे बिल येते, तेव्हा दुकानदाराने तुमच्या बिलात कॅरीबॅगचे शुल्क जोडलेले नाही याची विशेष काळजी घ्या. यासाठी तुम्ही बिल भरण्यापूर्वी ते नीट तपासून घ्यावे. जर तुमच्याकडून कॅरीबॅगसाठी शुल्क आकारले जात असेल, तर तुम्ही त्याबाबत ग्राहक मंचात तक्रार करू शकता.