नवी दिल्ली – टी-20 विश्वचषकापूर्वी टीम इंडियाला आणखी एक धक्का बसू शकतो. वेगवान गोलंदाज दीपक चहर बाहेर झाल्याचे वृत्त आहे. मीडिया रिपोर्ट्सनुसार, चहर या स्पर्धेतून बाहेर झाला आहे. त्याची स्टँडबाय खेळाडू म्हणून निवड झाली होती, पण आता चहरच्या जागी अष्टपैलू शार्दुल ठाकूरची स्टँडबाय खेळाडू म्हणून निवड करण्यात आली आहे.
जसप्रीत बुमराहच्या जागी त्याला किंवा मोहम्मद शमीला मुख्य संघात घेण्याची चर्चा होती. आता चहर दुखापतीमुळे या शर्यतीतून पूर्णपणे बाहेर पडला आहे. लखनौमध्ये दक्षिण आफ्रिकेविरुद्धच्या एकदिवसीय सामन्यापूर्वी सराव सत्रादरम्यान त्याच्या घोट्याला दुखापत झाली. त्यानंतर तो संपूर्ण मालिकेतून बाहेर पडला. त्याच्या जागी फिरकी अष्टपैलू वॉशिंग्टन सुंदरची निवड करण्यात आली.
आयपीएलमध्ये चेन्नई सुपर किंग्जकडून खेळणारा वेगवान गोलंदाज मुकेश चौधरी आणि दिल्ली कॅपिटल्सकडून खेळणारा चेतन साकारिया नेट बॉलर म्हणून ऑस्ट्रेलियातील टीम इंडियामध्ये सामील झाला आहे. मीडिया रिपोर्ट्सनुसार, मोहम्मद शमीनेही फिटनेस टेस्ट पास केली आहे. बुमराहऐवजी त्याची मुख्य संघात निवड केली जाईल.
T20 विश्वचषकासाठी भारतीय संघ: रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुडा, ऋषभ पंत, दिनेश कार्तिक, हार्दिक पंड्या, रविचंद्रन अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग.
स्टँडबाय खेळाडू: मोहम्मद शमी, श्रेयस अय्यर, रवी बिश्नोई, दीपक चहर (चहरचे नाव अद्याप अधिकृतपणे काढलेले नाही).