भारत आणि दक्षिण आफ्रिका यांच्यातील एकदिवसीय मालिकेतील अखेरचा आणि निर्णायक सामना आज होणार आहे. मात्र, दिल्लीतील हवामान पाहता पावसामुळे हा सामना न होण्याची शक्यता असल्याचे बोलले जात आहे. तीन सामन्यांची ही मालिका सध्या 1-1 अशी बरोबरीत आहे. अशा परिस्थितीत जो संघ तिसरा वनडे जिंकेल, तो मालिका जिंकेल. मात्र, भारत आणि दक्षिण आफ्रिकेची इच्छा धुळीस मिळवण्यासाठी हवामान सज्ज झाले आहे.
पावसाबद्दल मोठे अपडेट
दिल्लीत गेल्या काही दिवसांपासून सतत पाऊस पडत आहे. हे पाहता तिसरा एकदिवसीय सामना क्वचितच पूर्णपणे खेळला जाईल, अशी अटकळ बांधली जात आहे. मंगळवारीही दिल्लीत पावसाची शक्यता आहे. त्याच वेळी, दिवसभर ढगाळ वातावरण असेल आणि सूर्यप्रकाशाची शक्यता खूपच कमी आहे.
दिल्लीत आज (मंगळवारी) 40 टक्के पाऊस पडण्याची शक्यता आहे. हवामान वेबसाइट Accuweather नुसार, दिल्लीत आज ढगाळ आकाश 61 टक्के राहण्याची शक्यता आहे. यासोबतच वाऱ्यांचा वेगही ताशी 20 किमी असेल.
अरुण जेटली स्टेडियमवर आतापर्यंत 26 एकदिवसीय सामने खेळले गेले आहेत. यामध्ये केवळ दोघांनी 300 हून अधिक धावा केल्या आहेत. अशा स्थितीत गोलंदाजांचा खेळपट्टीवर काहीसा दबदबा पाहायला मिळेल, असे म्हणता येईल. येथे गेल्या तीन सामन्यांमध्ये पहिल्या डावाची सरासरी 259 अशी आहे. नंतर फलंदाजी करणाऱ्या संघाने शेवटचे तीन सामने जिंकले आहेत.
भारताचे संभाव्य खेळाडू : शिखर धवन (कर्णधार), शुभमन गिल, इशान किशन, श्रेयस अय्यर, संजू सॅमसन, वॉशिंग्टन सुंदर, शार्दुल ठाकूर, कुलदीप यादव, रवी बिश्नोई, मोहम्मद सिराज, शाहबाज अहमद.
दक्षिण आफ्रिकेचे संभाव्य खेळाडू : टेम्बा बावुमा (कर्णधार), जेनमन मलान, क्विंटन डी कॉक, एडन मार्कराम, हेन्रिक क्लासेन, डेव्हिड मिलर, वेन पारनेल, केशव महाराज, कागिसो रबाडा, लुंगी एनगिडी, एनरिक नॉर्टजे.