ऑस्ट्रेलियाचा दिग्गज फलंदाज डेव्हिड वॉर्नरने आपल्या कारकिर्दीत अनेक मोठे यश संपादन केले आहे. त्याने ऑस्ट्रेलियासाठी अनेक वेळा चमकदार कामगिरी केली आहे. वेस्ट इंडिजविरुद्ध शुक्रवारी झालेल्या सामन्यात वॉर्नरने तुफानी खेळी केली. त्याने 41 चेंडूत 75 धावा बनवल्या. या खेळीच्या जोरावर वॉर्नरने अर्धशतकांचे शतक पूर्ण केले. तो आता गेलचा विक्रम मोडण्यापासून काही पावले दूर आहे. टी-20 फॉरमॅटमध्ये सर्वाधिक अर्धशतके करणारा वॉर्नर हा दुसरा फलंदाज आहे.
टी-20 फॉरमॅटमध्ये सर्वाधिक अर्धशतकांचा विक्रम ख्रिस गेलच्या नावावर आहे. त्याने आतापर्यंत 110 अर्धशतके ठोकली आहेत. या बाबतीत ऑस्ट्रेलियन खेळाडू दुसऱ्या स्थानावर आहेत. वॉर्नरने आतापर्यंत 100 अर्धशतके ठोकली आहेत. अशा प्रकारे त्याने आपल्या अर्धशतकांचे शतक पूर्ण केले आहे. या बाबतीत भारताचा माजी कर्णधार विराट कोहली तिसऱ्या क्रमांकावर आहे. कोहलीने 87 अर्धशतके केली आहेत. अॅरॉन फिंच 80 अर्धशतकांसह चौथ्या स्थानावर आहे. रोहित शर्मा पाचव्या क्रमांकावर आहे. त्याने 77 अर्धशतके केली आहेत.
वॉर्नरच्या कारकिर्दीवर नजर टाकली, तर तो प्रभावी ठरला आहे. त्याने आतापर्यंत 93 टी-20 आंतरराष्ट्रीय सामने खेळले असून या कालावधीत त्याने 2773 धावा केल्या आहेत. वॉर्नरने या फॉरमॅटमध्ये एक शतक आणि 23 अर्धशतके झळकावली आहेत. त्याची सर्वोत्तम धावसंख्या 100 धावा आहे. वॉर्नरने इंडियन प्रीमियर लीगमध्येही आश्चर्यकारक कामगिरी केली आहे. त्याने 162 सामन्यात 5881 धावा केल्या आहेत. यादरम्यान त्याने 55 अर्धशतके आणि 4 शतके झळकावली आहेत.
टी-20 फॉरमॅटमध्ये सर्वाधिक अर्धशतक असलेले फलंदाज:
- ख्रिस गेल – 110
- डेव्हिड वॉर्नर – 100
- विराट कोहली – 87
- अॅरॉन फिंच – 80
- रोहित शर्मा – 77