दिवाळीपूर्वीच सामान्य माणूस झाला दिवाळखोर, सीएनजी-पीएनजीच्या दरात महागाईचा दुहेरी स्फोट

नवी दिल्ली : दिवसेंदिवस वाढणाऱ्या महागाईने देशातील जनता हैराण झाली आहे. आता दिवाळीपूर्वीच लोकांच्या अडचणी वाढल्या आहेत. कारण दिवाळीपूर्वीच महागाईचा दुहेरी तडाखा बसला आहे. सीएनजी आणि पीएनजीच्या किमती वाढल्या असून त्याचा परिणाम इतर अनेक गोष्टींवर होऊ लागला आहे.

खरं तर, इंद्रप्रस्थ गॅस लिमिटेड (IGL) ने दिल्ली NCR मध्ये कॉम्प्रेस्ड नॅचरल गॅस (CNG) ची किंमत प्रति किलो 3 रुपयांनी वाढवली आहे. आता सीएनजी आणि पीएनजीच्या दरात वाढ झाल्यानंतर त्याचा परिणाम प्रवास, व्यवसाय आणि स्वयंपाकघरातही दिसून येत आहे. पूर्वी जिथे पेट्रोल-डिझेल वापरणारे नाराज होते, तिथे आता सीएनजीवाल्यांनीही डोके वर काढले आहे.

या राज्यांमध्ये महाग झाले सीएनजी-पीएनजी
दिल्ली-एनसीआरसह यूपी आणि हरियाणामध्ये आजपासून सीएनजी प्रति किलो 3 रुपयांनी महाग झाला आहे. कालपर्यंत दिल्लीत सीएनजी 75.61 रुपये प्रतिकिलो दराने मिळत होता, मात्र आजपासून त्याची किंमत 78.61 रुपये प्रतिकिलो झाली आहे. नोएडा, ग्रेटर नोएडा आणि गाझियाबादमध्ये सीएनजीच्या किमती 78.17 रुपयांवरून 81.17 रुपये प्रति किलोपर्यंत वाढल्या आहेत.

कोणत्या राज्यात 50 रुपयांनी वाढ झाली?
गुरुग्राममध्ये सीएनजीच्या दरात 3 रुपयांनी वाढ करण्यात आली असून, त्यानंतर येथील सीएनजीची नवीन किंमत 86.94 रुपये प्रति किलो झाली आहे. रेवाडीमध्ये सीएनजी 86.07 रुपयांवरून 89.07 रुपये प्रति किलो झाला आहे. कर्नाल आणि कैथलमध्ये किंमती वाढल्यानंतर सीएनजीचा नवा दर 87.27 रुपये प्रति किलो झाला असून कानपूरमध्ये सीएनजीचा दर 87.40 रुपयांवरून 89.81 रुपये प्रति किलो झाला आहे. त्याच वेळी, मुझफ्फरनगरमध्ये, सीएनजी आता 85.84 रुपये प्रति किलो दराने उपलब्ध आहे.

पीएनजीच्या दरातही तीन रुपयांची वाढ
केवळ सीएनजीच नाही तर इंद्रप्रस्थ गॅस लिमिटेडनेही पीएनजीच्या किमती प्रति युनिट ३ रुपयांनी वाढवल्या आहेत. दिल्लीतील नवीन किंमत 53.59 रुपये प्रति SCM म्हणजेच मानक घनमीटर झाली आहे. नोएडा, ग्रेटर नोएडा आणि गाझियाबादमध्ये 53.46 रुपये, मुझफ्फरनगर, शामली आणि मेरठमध्ये 56.97 रुपये, कानपूर, फतेहपूर आणि हमीरपूरमध्ये पीएनजीचे नवीन दर 56.10 रुपये आणि अजमेर, पाली, राजसमंदमध्ये पीएनजीची किंमत 59.23 रुपये झाली आहे.