कर्ज न फेडणाऱ्यांना धमक्या देणाऱ्या कॉल सेंटरचा पुणे पोलिसांनी केला पर्दाफाश, 18 जणांना अटक

डिफॉल्टर्सचा करायचे मानसिक छळ
पोलिसांनी सांगितले की, एकदा इन्स्टॉल केल्यानंतर हे अॅप वापरकर्त्याचा फोटो, कॉन्टॅक्ट इत्यादी सर्व डेटा चोरतात. एवढेच नाही तर ते कर्जदाराकडून भरमसाठ व्याज आणि प्रक्रिया शुल्क आकारतात. जर एखाद्या व्यक्तीने पैसे दिले नाहीत, तर ते त्याला धमकावून त्रास देतात. गुप्ता म्हणाले की, त्यांच्या छळामुळे देशभरात अनेकांनी आत्महत्या केल्या आहेत. असाच एक प्रकार पुण्यातही समोर आला आहे.

आरोपींना पकडण्यासाठी पोलिसांनी रचला असा सापळा
फसवणूक करणाऱ्यांचा शोध घेण्यासाठी आम्ही पोलिस उपायुक्त (सायबर) भाग्यश्री नवटके आणि सहायक पोलिस आयुक्त (सायबर) विजय पलसुले यांच्या नेतृत्वाखाली एक टीम तयार केली आणि सात जणांचा शोध घेतला, असे अधिकाऱ्यांनी सांगितले. थकबाकीदारांना त्यांच्या खात्यात पैसे जमा करण्याची सक्ती करण्यात आली. ते म्हणाले की, सोलापूर, पुणे, बेंगळुरू आणि केरळ अशा विविध ठिकाणांहून सात आरोपींना अटक करण्यात आली आहे.

1 लाख लोकांचा डेटा जप्त, 70 लाख रुपये जप्त
ही खाती मजुरांच्या नावाने उघडण्यात आली असून, थकबाकीदारांना या खात्यांमध्ये पैसे जमा करण्यास सांगितले जात असल्याचे तपासात समोर आले आहे. मजुरांच्या नावाने सिमकार्ड खरेदी केले जात असून थकबाकीदारांना धमकावण्यासाठी या फोन नंबरवरून कॉल केले जात असल्याचे पोलिसांनी सांगितले. पोलिसांनी सांगितले की, कॉल सेंटरमधून 1 लाखांहून अधिक ग्राहकांचा डेटा जप्त करण्यात आला आहे. याशिवाय ज्या खात्यांमध्ये थकबाकीदारांनी पैसे जमा केले होते, त्यातून 70 लाख रुपये पोलिसांनी जप्त केले आहेत.