यूएईमध्ये सुरू असलेल्या आशिया चषकात भारताला श्रीलंकेकडून दारूण पराभव पत्करावा लागला. मात्र, या पराभवानंतरही टीम इंडियाचा कर्णधार रोहित शर्माने वेगवान गोलंदाज अर्शदीप सिंगचा बचाव केला आहे. रोहित शर्मा म्हणाला की, सोशल मीडियावर कचरा सुरूच असतो आणि त्याकडे लक्ष देण्याची गरज नाही. यासोबतच रोहित शर्माने अर्शदीप सिंगचे विश्वासार्ह गोलंदाज म्हणून वर्णन केले.
वास्तविक, पाकिस्तानविरुद्ध खेळल्या गेलेल्या सामन्यात अर्शदीपकडून आसिफ अलीचा झेल सुटला होता. यानंतर अर्शदीप सिंगला सोशल मीडियावर ट्रोल केले जात आहे. एवढेच नाही तर अर्शदीपच्या विकिपीडिया पेजवरही छेडछाड करण्यात आली. रोहित शर्मा म्हणाला, आम्ही सोशल मीडियाकडे लक्ष देत नाही. तिथे खूप बल्शिट चालू आहे. आम्ही सामने गमावताच खेळाडूंना बाहेर फेकल्याची चर्चा आहे.
कर्णधाराची भिस्त अर्शदीपवर कायम
रोहित शर्माने अर्शदीपच्या पुनरागमनाचे कौतुक केले. रोहित शर्मा म्हणाला की, झेल सोडल्यानंतर अर्शदीपने ज्या प्रकारे आत्मविश्वासाने गोलंदाजी केली, ते कौतुकास पात्र आहे. तो म्हणाला, झेल चुकवल्यामुळे अर्शदीप निराश झाला होता. पण शेवटच्या षटकात त्याचा आत्मविश्वास पाहायला मिळाला. त्याने किती अप्रतिम यॉर्कर टाकला आणि असिफ अलीला बोल्ड केले. तो मानसिकदृष्ट्या खंबीर नसता, तर अशी गोलंदाजी करू शकला नसता. अर्शदीपनेही श्रीलंकेविरुद्ध शेवटच्या दोन षटकांत चांगली गोलंदाजी केली.
रोहित शर्मा म्हणाला की, अर्शदीप सिंग हा उत्तम गोलंदाज आहे आणि त्यामुळेच तो टीम इंडियासाठी खेळत आहे. रोहित शर्माने असेही सांगितले की, संघ व्यवस्थापन अर्शदीपच्या कामगिरीवर खूप खूश आहे.