पाटणा : बिहार सरकारचे कायदा मंत्री कार्तिक कुमार यांच्या खात्यात बदल करण्यात आला आहे. वॉरंटवरून वादात सापडलेल्या नितीश मंत्रिमंडळातील कायदा मंत्री कार्तिक कुमार यांना आता ऊस उद्योग मंत्री करण्यात आले आहे. दुसरीकडे ऊस उद्योग मंत्री शमीम अहमद यांना कायदा मंत्री करण्यात आले आहे.
आरजेडीचे विधान परिषद सदस्य कार्तिक कुमार 2022 मध्ये पाटणा स्थानिक संस्थेतून एमएलसी झाले. मोकामाचे रहिवासी असलेला कार्तिक हे शिक्षकही राहिला आहेत, त्यामुळे ते समर्थकांमध्ये ‘कार्तिकेय मास्टर’ म्हणून प्रसिद्ध आहेत. कार्तिक हे माजी आमदार अनंत सिंह यांच्या जवळचे मानले जातात. अनंत सिंग त्यांना मास्टर साहिब म्हणूनही हाक मारतात. कार्तिक यांच्यावर 4 गुन्हे दाखल आहेत. 3 गंभीर कलमांसह 23 कलमांत गुन्हे दाखल आहेत.
कायदा मंत्री झाल्यानंतर जारी केले वॉरंट
कार्तिक कुमार तेव्हा प्रसिद्धीच्या झोतात आले, जेव्हा ते कायदा मंत्री बनताच त्यांच्या विरोधात वॉरंट जारी करण्यात आले. त्यावरुन भाजपने जोरदार निशाणा साधला होता. यानंतर एकीकडे सीएम नितीश कुमार यांनी आपल्याला याची माहिती नसल्याचे सांगितले होते, तर आरजेडीनेही स्पष्टीकरण दिले होते. आरजेडीचे प्रवक्ते शक्ती यादव म्हणाले होते की, महाआघाडी सरकारचे गुन्हेगारी आणि भ्रष्टाचाराविरुद्ध शून्य सहनशीलतेचे धोरण आहे. कोणालाही विनाकारण गोवण्यात येणार नाही आणि दोषींना वाचवले जाणार नाही.
मंत्री कार्तिकेय कुमार दोषी आढळल्यास सरकार कारवाई करेल, असे आरजेडीचे प्रवक्ते शक्ती यादव यांनी सांगितले होते. आरोप करणे आणि सिद्ध करणे यात फरक आहे. ते म्हणाले की, कार्तिकेय कुमार यांच्यावर अपहरणाचा गुन्हा दाखल आहे. ते कोर्टात गेले नाही म्हणून वॉरंट काढण्यात आले.
दुसरीकडे राज्यसभा खासदार सुशील कुमार मोदी यांनी नितीश कुमार हे राजद प्रमुख लालू प्रसाद यादव यांच्या दबावाखाली काम करत असल्याचे म्हटले होते. कार्तिकेय सिंह यांना बडतर्फ करण्याची मागणी त्यांनी केली होती. यासोबतच ते म्हणाले होते की, नितीश कुमार यांच्याशी गद्दारी करून उपमुख्यमंत्री तेजस्वी यादव कधीही मुख्यमंत्री होऊ शकतात.