मुंबई : मुंबई-अहमदाबाद बुलेट ट्रेन प्रकल्पाबाबत महाराष्ट्र सरकार वेगाने काम करत आहे. दरम्यान, महाराष्ट्राचे मुख्यमंत्री एकनाथ शिंदे यांनी अधिकाऱ्यांना मुंबई-अहमदाबाद बुलेट ट्रेन प्रकल्पासाठी भूसंपादनाचे काम 30 सप्टेंबरपर्यंत पूर्ण करण्याचे आणि बाधितांना नुकसान भरपाई देण्याचे निर्देश दिले आहेत. राज्य सरकारने ही माहिती मंगळवारी दिली.
मुंबई-अहमदाबाद हायस्पीड रेल कॉरिडॉर हा नरेंद्र मोदी सरकारचा एक प्रमुख पायाभूत सुविधा प्रकल्प आहे, ज्याचा उद्देश देशाची आर्थिक राजधानी आणि गुजरातचे व्यावसायिक केंद्र यांच्यातील कनेक्टिव्हिटी सुधारणे आहे. उद्धव ठाकरे यांच्या नेतृत्वाखालील महाविकास आघाडी (MVA) सरकारच्या काळात कोट्यवधी रुपयांच्या प्रकल्पाला, विशेषतः महाराष्ट्रात, भूसंपादन प्रक्रियेत अडथळे आले.
मुख्यमंत्र्यांनी दिले नुकसान भरपाई देण्याचे निर्देश
राज्यात जून महिन्यात सरकार बदलल्यानंतर भूसंपादन प्रकल्पाची प्रक्रिया वेगात सुरू आहे. राज्य सरकारच्या जनसंपर्क विभागाद्वारे संचालित महाराष्ट्र माहिती केंद्राने ट्विट केले की, मुख्यमंत्री एकनाथ शिंदे यांनी सर्व अधिकाऱ्यांना मुंबई-अहमदाबाद हायस्पीड बुलेट ट्रेन प्रकल्पासाठी 30 सप्टेंबरपर्यंत भूसंपादन पूर्ण करण्याचे आणि बाधित कुटुंबियांना नुकसान भरपाई देण्याचे निर्देश दिले आहेत.
मंगळवारी मुंबई मेट्रो रेल कॉर्पोरेशन लिमिटेड आरे कॉलनीतील सारीपूत नगरमधील कुलाबा-वांद्रे-सीप्झ मेट्रो लाईन फेज-3 रॉयल रनला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या हस्ते हिरवा झेंडा दाखवला. हे दक्षिण मुंबईतील कुलाबा महानगराच्या पश्चिम उपनगरांशी जोडेल. ट्रायल रनच्या निमित्ताने मुख्यमंत्री एकनाथ शिंदे आणि उपमुख्यमंत्री फडणवीस यांनीही मेट्रो ट्रेनच्या आत जाऊन आढावा घेतला.