नवी दिल्ली : भाजप नेत्या आणि सोशल मीडिया स्टार सोनाली फोगटच्या हत्येप्रकरणी पोलीस कारवाई करत आहेत, मात्र याच दरम्यान आणखी एक धक्कादायक दावा करण्यात आला आहे. सोनाली फोगटच्या जवळच्या व्यक्ती ऋषभ बेनिवालने एबीपी न्यूजला खळबळजनक माहिती दिली आहे. सोनाली फोगटला नियंत्रणात ठेवण्यासाठी आरोपी सुधीर सांगवान याने तांत्रिकाचा वापर केल्याचा दावा ऋषभ बेनीवालने केला आहे, त्यासाठी त्याने तांत्रिकाला अनेकवेळा फार्म हाऊसवर बोलावले होते.
याप्रकरणी सोनाली फोगटचे पीए सुधीर सांगवान यांच्यासह पोलिसांनी आतापर्यंत चार जणांना अटक केली आहे. सुधीर सांगवान व्यतिरिक्त, कथित ड्रग्ज तस्कर आणि गोव्यातील कर्लीज रेस्टॉरंटचा मालक देखील पोलिसांच्या ताब्यात आहे.
ऋषभ बेनिवाल यांनी सुधीर सांगवान याच्यावर केले आणखी आरोप
ऋषभ बेनिवाल यांनी सुधीर सांगवान यांच्यावर आणखी आरोप केले आहेत. ऋषभ म्हणाला, सोनालीची मुलगी यशोधरा हिलाही सुधीरकडून धोका आहे, माझ्या उपस्थितीत त्याने सोनालीशी गैरवर्तन केले. त्याच्याकडे असे काहीतरी होते, ज्याने सोनाली त्याचे पालन करत असे. मी सोनालीला त्याच्या गुन्हेगारी रेकॉर्डबद्दल सांगितले. शेतकऱ्यांशी फसवणुकीची चर्चा केली. ऋषभ बेनिवाल पुढे म्हणाले की, रोहतकमध्ये सुधीर सांगवानची फौजदारी फाइल आहे. ऋषभ म्हणाला, अनुदान मिळवून देण्याच्या नावाखाली शेतकऱ्यांकडून करोडो रुपयांची फसवणूक केली.
सुधीर सांगवानच्या कथित फसवणुकीचा बळी झालेला शेतकरी अमित डांगी यांनी एबीपी न्यूजला सांगितले की, सुधीर सांगवान सोनाली फोगटसह शेतकऱ्यांकडे यायचा, त्याच्यावर फसवणूकीचे आरोप आहेत. फसवणूक झालेल्या शेतकऱ्यांसोबत सोनाली फोगटचा व्हिडिओही उपलब्ध आहे. अमित डांगी म्हणाले की, सोनाली फोगटला तिच्या फार्म हाऊसवर शेतकऱ्यांची आयुर्वेदिक उत्पादने वाढवायची होती.