Ganesh Chaturthi : जाणून घ्या सिद्धिविनायक मंदिर कधी उघडेल आणि कोणत्या गेटमधून मिळेल प्रवेश


31 ऑगस्टपासून गणेशोत्सवाला सुरुवात होत आहे. यानंतर 10 दिवस देशासह महाराष्ट्रात हा सण मोठ्या उत्साहाने साजरा केला जाणार आहे. गणेश चतुर्थीच्या दिवशी लोक घरोघरी आणि मंडपात बाप्पाच्या मूर्तीची प्रतिष्ठापना करतात. यानंतर 10 दिवस श्री गणेशाची विशेष पूजा केली जाते. अनंत चतुर्दशीच्या दिवशी गणपतीच्या मूर्तीचे विसर्जन केले जाते. गणेशजी सर्व देवतांचे इष्ट मानले जातात. असे म्हटले जाते की देव किंवा देवीची पूजा करण्यापूर्वी गणेशजींना आवाहन केले जाते. त्यानंतरच पूजा पूर्ण मानली जाते. रिद्धीसिद्धीचा दाता भगवान गणेश, हा 10 दिवसांचा उत्सव साजरा करण्यासाठी भक्त वर्षभर वाट पाहत असतात. यानिमित्ताने लोकांना घरामध्ये गणपतीची मूर्ती बसवता येत नसेल, तर ते गणेशजींच्या मंदिरात जाऊन दर्शन घेतात. मुंबईतील सिद्धिविनायक मंदिर हे गणेशाच्या सर्वात प्रसिद्ध मंदिरांपैकी एक आहे. अशा परिस्थितीत या गणेश चतुर्थीला किंवा गणेशोत्सवाच्या निमित्ताने सिद्धिविनायकाचे दर्शन घेता येऊ शकते. मुंबईत असलेल्या सिद्धिविनायक मंदिराला भेट देण्यासाठी संपूर्ण तपशील जाणून घेऊया.

सिद्धिविनायक मंदिराचा इतिहास
सिद्धिविनायक, भगवान गणेशाचे सर्वात लोकप्रिय रूप, मुंबई, महाराष्ट्र येथे स्थित आहे. गणपतीच्या या रूपाला सिद्धिविनायक असे नाव पडले, कारण गणेशाची सोंड उजवीकडे झुकलेली आहे. गणेशाची अशी मूर्ती असलेले मंदिर हे सिद्धपीठ मानले जाते. त्यामुळे या मंदिराला सिद्धिविनायक म्हणतात. विनायक हे देखील गणेशाचे एक नाव आहे. सिद्धिविनायक मंदिर 19 नोव्हेंबर 1801 रोजी बांधले गेले.

सिद्धिविनायक मंदिरात कसे जायचे
मुंबईत तुम्ही लोकल ट्रेन किंवा कॅब आणि बसने दक्षिण मुंबईकडे जाता येते. तुम्हाला लोकल ट्रेनमधून सिद्धिविनायक मंदिर गाठायचे असेल, तर आधी दादर रेल्वे स्टेशन गाठावे, तेथून तुम्ही टॅक्सीने प्रभादेवीला जाऊ शकता. मात्र, तुम्ही स्टेशनवरून चालतही मंदिरात जाऊ शकता. दादर स्टेशनपासून मंदिराचे अंतर अवघ्या 15 मिनिटांचे आहे.

मंदिर दर्शनाच्या वेळा
सिद्धिविनायक मंदिर सकाळी 5:30 ते रात्री 9:50 पर्यंत खुले असते. यावेळी भाविक दर्शनासाठी मंदिरात येऊ शकतात. मंगळवारी सिद्धिविनायक मंदिरात मोठी गर्दी असते. त्यामुळे मंगळवारी मंदिरात जायचे असेल तर गर्दीसाठी तयार राहा.

सिद्धिविनायक मंदिरात प्रवेश कसा करावा
सिद्धिविनायक मंदिरात प्रवेश करण्यासाठी दोन मार्ग आहेत. तुम्ही सिद्धी द्वार आणि रिद्धी द्वार मार्गे मंदिरात जाऊ शकता. सिद्धी गेटमधून मोफत प्रवेश दिला जातो, पण या गेटवर खूप गर्दी असते. त्याचबरोबर रिद्धी गेटवर कमी गर्दी असते. या दरवाजातून मंदिरात प्रवेश करण्यासाठी प्रवेश शुल्क भरावे लागते. जर कमी वेळ असेल आणि दर्शनासाठी लांब रांगेत उभे राहायचे नसेल, तर तुम्ही पैसे भरून दर्शनाचा हा पर्याय अवलंबू शकता. याशिवाय ज्येष्ठ नागरिक, लहान मुले असलेल्या माता, अनिवासी भारतीय आणि दिव्यांगांसाठी मंदिरात प्रवेश करण्याची विशेष व्यवस्था आहे.