मुंबई – भाजपने आपले संसदीय मंडळ आणि केंद्रीय निवडणूक समितीची पुनर्रचना केली आहे. संसदीय मंडळात मोठे बदल करत नितीन गडकरी आणि शिवराज सिंह चौहान यांना हटवण्यात आले आहे. याशिवाय 15 सदस्यीय केंद्रीय निवडणूक समितीतही या नेत्यांना स्थान मिळालेले नाही. दुसरीकडे, महाराष्ट्राचे उपमुख्यमंत्री देवेंद्र फडणवीस यांचा भाजपने केंद्रीय निवडणूक समितीमध्ये समावेश केला आहे. या निर्णयाकडे महाराष्ट्र आणि केंद्रातील मोठा राजकीय बदल म्हणून पाहिले जात आहे. एकीकडे केंद्रीय मंत्री नितीन गडकरी यांची संसदीय मंडळातून हकालपट्टी करण्याकडे त्यांचे डिमोलेशन म्हणून पाहिले जात आहे, तर देवेंद्र फडणवीस यांच्या प्रमोशनने त्यांच्या वाढत्या उंचीचे संकेत मिळत आहेत.
भाजपच्या संसदीय मंडळातून गडकरी आणि शिवराज यांची उचलबांगडी
याआधीही गोवा, बिहारसारख्या राज्यांच्या निवडणुकांची जबाबदारी सांभाळणाऱ्या देवेंद्र फडणवीस यांना नेतृत्वाने बढती दिली आहे. मात्र आता केंद्रीय निवडणूक समितीमध्ये स्थान देऊन फडणवीस यांची व्याप्ती आता महाराष्ट्राबाहेर असल्याचे स्पष्ट झाले असून भाजपमध्येही त्यांचा राष्ट्रीय दर्जा आहे. एवढेच नाही तर फडणवीस यांची आज महाराष्ट्र विधानपरिषदेचे नेते म्हणूनही घोषणा करण्यात आली आहे. पण नितीन गडकरींच्या बाबतीत असे नाही आणि ते आता फक्त केंद्रीय रस्ते व वाहतूक मंत्री आहेत. ते भाजपमध्ये कोणतेही पद भूषवत नाहीत किंवा ते कोणत्याही राज्याचे प्रभारीही नाहीत. नितीन गडकरींचा राजकीय दबदबा पूर्वीसारखा राहिला नसल्याचे स्पष्ट झाले आहे.
बऱ्याच काळापासून मुख्य भूमिकेपासून दूर आहेत नितीन गडकरी
नितीन गडकरी हे अनेक दिवसांपासून भाजपमध्ये बाजूला असल्याचे दाखवत आहेत. पश्चिम बंगालच्या विधानसभा निवडणुका असोत किंवा यंदाच्या यूपीसह 5 राज्यांच्या निवडणुका, प्रचारात किंवा अन्य कोणत्याही भूमिकेत ते कुठेच दिसले नाहीत. संसदीय मंडळात बदल करताना त्यात एकही मुख्यमंत्री ठेवण्यात आलेला नाही, असा युक्तिवाद भाजपच्या वतीने करण्यात आला आहे.
संसदीय मंडळातून नितीन गडकर बाहेर पडणे धक्कादायक का?
अशा स्थितीत शिवराजसिंह चौहान यांची एक्झिट समजण्यासारखी असली, तरी नितीन गडकरींची एक्झिट धक्कादायक आहे. कारण माजी राष्ट्रीय अध्यक्षांना संसदीय मंडळात सामील करून घेण्याची परंपरा आहे. लालकृष्ण अडवाणी आणि मुरली मनोहर जोशी यांना संसदीय मंडळातून वगळल्यानंतरच ही परंपरा खंडित झाली. पण नितीन गडकरी हे सध्याच्या राजकारणातील सक्रिय नेत्यांपैकी एक आहेत, त्यामुळे त्यांची उचलबांगडी निश्चितच धक्कादायक आहे. याबाबत नितीन गडकरींकडून सध्या कोणतीही प्रतिक्रिया आलेली नाही.