बिग बॉस 16: नवीन सीझनसह या दिवशी परतणार सलमान खान, बिग बॉसच्या घरात हे कलाकार असणार कैद

सप्टेंबरमध्ये पहिला प्रोमो शूट करणार सलमान खान
गेल्या अनेक वर्षांपासून प्रेक्षकांच्या हृदयावर राज्य करणाऱ्या ‘बिग बॉस’च्या निर्मात्यांना यावेळी प्रभाव पाडण्यासाठी खूप मेहनत करावी लागणार आहे. कारण यावेळी प्रेक्षकांनी OTT वर प्रसारित होणाऱ्या ‘लॉकअप’ या शोला भरभरून प्रेम दिले होते. अशा परिस्थितीत निर्माते शोसाठी सर्वोत्तम स्पर्धक शोधण्याचा सतत प्रयत्न करत आहेत. यासोबतच या शोच्या प्रोमोचीही मीडियामध्ये जोरदार चर्चा आहे. मीडिया रिपोर्ट्सनुसार, सलमान खान पुढच्या महिन्यात म्हणजेच सप्टेंबरच्या दुसऱ्या आठवड्यात ‘बिग बॉस 16’ चा प्रोमो शूट करणार आहे.

या दिवशी सुरू होणार या कार्यक्रमाचे प्रक्षेपण
‘बिग बॉस’च्या 16व्या सीझनच्या प्रोमोच्या शूटिंगसोबतच शोची रिलीज डेटही मीडिया रिपोर्ट्समध्ये समोर आली आहे. सप्टेंबरच्या दुसऱ्या आठवड्यात प्रोमो शूट केल्यानंतरच सलमान शोच्या शूटिंगला सुरुवात करेल. रिपोर्ट्सनुसार हा शो कलर्सवर 1 ऑक्टोबरपासून प्रसारित होणार आहे.

अशी थीम असेल आणि हे असतील स्पर्धक
‘बिग बॉस 16’ ची तयारी जोरात सुरू आहे. काही दिवसांपूर्वी या सीझनच्या सेटवरील फोटो सोशल मीडियावर व्हायरल झाले होते. ही छायाचित्रे पाहून स्पष्ट झाले की यावेळी ‘बिग बॉस 16’ ची थीम अॅक्वा असणार आहे, ज्यामध्ये घराभोवती पाणी दिले जाणार आहे. यासोबतच स्पर्धकांच्या नावांचा विचार केला तर यावेळी मुनव्वर फारुकीचे शोमध्ये येणे जवळपास निश्चित झाले आहे. त्याच्यासोबत इराणी, मोहित मलिक, नकुल मेहता आणि राज अनाडकट यांनाही संपर्क करण्यात आला आहे. या सर्व कलाकारांशिवाय टीव्ही अभिनेता अर्जुन बिजलानीलाही ऑफर देण्यात आली होती, मात्र त्याने नकार दिला.