कोलकाता : पश्चिम बंगालचे माजी मंत्री पार्थ चॅटर्जी यांच्यावर आज एका महिलेचा राग अनावर झाला. कोलकाता येथील ईएसआय रुग्णालयात तपासणीसाठी चॅटर्जी यांना आणले असता तेथे उपस्थित असलेल्या एका महिलेने चटर्जी यांच्यावर चप्पल फेकली.
राज्यातील बहुचर्चित एसएससी शिक्षक भरती घोटाळ्यात चॅटर्जी आणि त्यांची महिला सहकारी अर्पिता मुखर्जी यांना ईडीने अटक केली आहे. ईडीच्या पथकाने चॅटर्जी यांना तपासणीसाठी ईएसआय रुग्णालयात नेले, तेव्हा ही घटना घडली. तेथे उपस्थित असलेल्या एका महिलेने चटर्जी यांना पाहून भडकले आणि चप्पल फेकली. रागाच्या भरात ही महिला जनतेचा पैसा लुटत असल्याची ओरड करत होती.
Kolkata | A woman hurled a shoe at former WB Minister Partha Chatterjee while being taken to the ED office from ECI Hospital
"I had come to throw my shoe on him. He has taken money from poor people. I would have been happier if the shoe would have hit him on his head," she said pic.twitter.com/aiXru6mhrC
— ANI (@ANI) August 2, 2022
डोक्याला चप्पल लागली असती, तर आनंद झाला असता : महिला
चटर्जी यांच्यावर चप्पल फेकणाऱ्या महिलेने एएनआय या वृत्तसंस्थेला सांगितले की, मी त्यांना मारण्यासाठीच आले होते. त्यांनी गरिबांचा पैसा लुटला आहे. त्याच्या डोक्यावर चप्पल लागली असती, तर मला आनंद झाला असता. घटनेच्या वेळी चॅटर्जी यांना ईएसआय रुग्णालयात तपासणीनंतर पुन्हा ईडीच्या कार्यालयात नेण्यात आल्याचे वृत्त आहे.
करोडो रुपये वसूल झाले, पण चटर्जी म्हणाले माझे नाही
ममता सरकारमधील प्रमुख मंत्री असलेल्या चॅटर्जी आणि त्यांची जवळची सहकारी अर्पिता यांच्या घरातून कोट्यवधी रुपये आणि सोने जप्त करण्यात आले आहे, परंतु त्यांनी ते स्वतःचे असल्याचे नाकारले आहे. रविवारी पार्थ चॅटर्जी यांनी दावा केला की, ईडीच्या छाप्यांमध्ये जप्त केलेले पैसे त्यांच्या मालकीचे नाहीत. त्याच्या विरोधात कोण षडयंत्र रचत आहे, हे काळच सांगेल. मात्र, यापूर्वी अर्पिताने हे पैसे माजी मंत्र्याचे असल्याचे सांगितले होते.
सीबीआय आणि ईडी करत आहे या घोटाळ्याचा तपास
कलकत्ता उच्च न्यायालयाच्या निर्देशानंतर सीबीआय पश्चिम बंगाल शाळा सेवा आयोगाच्या शिक्षक भरती परीक्षेतील घोटाळ्याची चौकशी करत आहे. ईडी त्याच्याशी संबंधित पैशांच्या व्यवहारांची म्हणजेच मनी लॉन्ड्रिंगची चौकशी करत आहे. उमेदवारांकडून पैसे घेऊन गट-क आणि ड कर्मचाऱ्यांसह सरकारी प्रायोजित आणि अनुदानित शाळांमध्ये शिक्षकांची भरती करण्यात आल्याचा आरोप आहे. सीबीआय आणि ईडीने आतापर्यंत या घोटाळ्यातील आरोपींशी संबंधित 17 ठिकाणांवर छापे टाकले आहेत. यामध्ये 50 कोटींहून अधिक रोकड आणि मोठ्या प्रमाणात सोने जप्त करण्यात आले आहे.