Vishva Hindu Parishad : अल-जवाहिरीच्या मृत्यूपासून भारताने धडा घेतला पाहिजे, दहशतवाद्यांना खतपाणी न घालता खात्म्याचे धोरण स्वीकारण्याची गरज

‘हर हर शंभो’ या गाण्याच्या गायिका फरमाणी नाझ या केवळ भजने गाण्याचे काम करतात, मात्र त्यासाठी त्यांना फतवा जारी करुन घाबरवण्याचेही काम केले जात आहे, असे विहिंपचे सह सरचिटणीस डॉ. सुरेंद्र जैन यांनी मंगळवारी पत्रकार परिषदेत सांगितले. इस्लामिक दहशतवाद्यांना केवळ त्यांच्या अटींवर देश चालवायचा आहे, हे या घटनेने सिद्ध होते. ते ‘सर तन से जुडो का’च्या भीतीदायक घोषणा वारंवार देत आहेत, पण आता देशाने संघटित होऊन त्याचा विरोध केला पाहिजे.

सुरेंद्र जैन म्हणाले की, काही लोकांना धर्मांधतेच्या आगीत देशाला पुन्हा 1946 सारखी परिस्थिती निर्माण करायची आहे. देशात श्रीलंकेसारखी स्थिती असल्याचे आणि पंतप्रधानांच्या निवासस्थानी आंदोलन करण्याचे वारंवार सांगितले जात आहे. अर्थव्यवस्थेच्या नावाखाली देशातील एका वर्गाला भडकवण्याचा हा डाव आहे. यावर त्वरित बंदी घालण्यात यावी.