बॉलिवूड अभिनेता आमिर खान तब्बल चार वर्षांनंतर ‘लाल सिंग चड्ढा’मधून मोठ्या पडद्यावर पुनरागमन करत आहे. अद्वैत चंदन दिग्दर्शित हा चित्रपट 11 ऑगस्ट 2022 रोजी थिएटरमध्ये प्रदर्शित होणार आहे. आपला चित्रपट रिलीज होण्याच्या काही दिवस आधी आमिर खानने मीडियाशी संवाद साधला आणि ‘लाल सिंह चड्ढा’शी संबंधित प्रत्येक प्रश्नाला उत्तरे दिली. यादरम्यान आमिर खानला ‘बॉयकट लाल सिंह चड्ढा’ ट्रेंडबद्दलही विचारण्यात आले. त्यावर काय म्हणाला आमिर खान वाचा…
‘काही लोकांना वाटते मला भारत आवडत नाही’
सोशल मीडियावर ‘बॉयकॉट लाल सिंग चड्ढा’च्या ट्रेंडबद्दल मीडियाने आमिर खानला प्रश्न विचारला असता, अभिनेता म्हणाला, जेव्हा काही लोक बॉलीवूड आणि लाल सिंग चड्ढावर बहिष्कार टाकण्याबद्दल बोलतात, तेव्हा मला खूप वाईट वाटते. खासकरून जेव्हा लोक माझ्या चित्रपटांवर बहिष्कार घालण्याची मागणी करतात. भारत न आवडणाऱ्या लोकांच्या यादीत माझा समावेश आहे, मला असे वाटते. पण ते खरे नाही. काही लोकांना तसे आवडते, हे दुर्दैवी आहे. पण तसे नाही. कृपया माझ्या चित्रपटावर बहिष्कार टाकू नका. कृपया माझा चित्रपट पहा.
का ट्रेंडिंग होता लाल सिंग चड्डा बॉयकॉट ?
वास्तविक, 2015 मध्ये आमिर खान एका कथित टिप्पणीमुळे चर्चेत आला होता. आपला देश खूप सहिष्णू आहे, परंतु काही लोक दुष्टपणा पसरवत असल्याचे तो म्हणाला होता. एवढेच नाही तर आमिर खानची माजी पत्नी आणि चित्रपट निर्माती किरण राव हिने सांगितले होते की, ती आपल्या मुलांच्या सुरक्षेसाठी देश सोडण्याचा विचार करत आहे. या जुन्या विधानामुळे नेटिझन्स त्यांना हिंदुविरोधी आणि भारतविरोधी म्हणत आहेत.
हॉलिवूड चित्रपटाचा रिमेक आहे ‘लाल सिंग चड्ढा’
लाल सिंग चड्ढा बद्दल बोलायचे तर, टॉम हँक्स अभिनीत हा हॉलीवूड चित्रपट फॉरेस्ट गंपचा अधिकृत हिंदी रिमेक आहे. अद्वैत चंदन दिग्दर्शित या चित्रपटात करीना कपूर खान आणि मोना सिंग यांच्याही भूमिका आहेत. साऊथ अभिनेता नागा चैतन्यचा हा बॉलिवूड डेब्यू आहे. लाल सिंग चड्ढा याआधी बैसाखी मुहूर्तावर रिलीज करण्याचे नियोजित होते, परंतु निर्मात्यांनी चित्रपटाच्या प्रदर्शनाची तारीख 11 ऑगस्ट 2022 पर्यंत पुढे ढकलली.