नवी दिल्ली – मतदार यादीत नाव नोंदवण्यासाठी तुम्हाला यापुढे वयाची १८ वर्षे पूर्ण होईपर्यंत प्रतीक्षा करावी लागणार नाही. निवडणूक आयोगाने जारी केलेल्या सूचनांनुसार, 17 वर्षांपेक्षा जास्त वयाचे तरुण यासाठी आगाऊ अर्ज करू शकतात. मुख्य निवडणूक आयुक्त राजीव कुमार आणि निवडणूक आयुक्त अनुप चंद्र पांडे यांनी सर्व राज्यांच्या सीईओ/ईआरओ/एईआरओना असे तंत्रज्ञान समाधान आणण्याचे निर्देश दिले आहेत, ज्यामुळे तरुणांना आगाऊ अर्ज करता येईल.

आता मतदार अर्जासाठी पाहावी लागणार नाही 1 जानेवारीची वाट
निवडणूक आयोगाने जारी केलेल्या सूचनांनुसार, आता मतदार यादीत नाव समाविष्ट करण्यासाठी तरुणांना 1 जानेवारी रोजी 18 वर्षे वयोमर्यादा पूर्ण होण्याची वाट पाहण्याची गरज नाही, तर ते त्यांचे नाव मतदार यादीत समाविष्ट करू शकतात.

मतदार यादी आधारशी लिंक करण्याचा प्रयत्न
मतदार यादी आधारशी जोडण्याची तयारी निवडणूक आयोगाने सुरू केली आहे. 1 ऑगस्ट ते 31 डिसेंबर या कालावधीत मोहीम राबवून मतदार यादीत समाविष्ट असलेल्या प्रत्येक नावाचा आधार क्रमांक संकलित केला जाणार आहे. ते आधारशी लिंक केले जाईल. एप्रिल 2023 पर्यंत ही प्रक्रिया पूर्ण करण्याचे उद्दिष्ट ठेवण्यात आले आहे. सर्व मतदारांपर्यंत पोहोचून त्यांचा आधार क्रमांक मिळवण्याचा प्रयत्न केला जाईल. मतदारांची नावे आधार क्रमांकाशी जोडल्यानंतर मतदार यादीत डुप्लिकेट नावे राहणार नाहीत. जर मतदाराकडे आधार क्रमांक नसेल, तर त्याला प्रतिज्ञापत्र द्यावे लागेल.

ऑनलाइनही देता येईल आधार कार्ड क्रमांक
बूथ लेव्हल ऑफिसर (BLO) घरोघरी जाऊन मतदारांकडून आधार कार्ड क्रमांक मिळवतील. तो नवीन फॉरमॅटमध्ये येणाऱ्या फॉर्म 6-B वर आधार कार्डचा नंबर टाकेल. क्रमांक मिळाल्यानंतर आठवडाभरात आधार कार्ड क्रमांक मतदाराच्या नावाशी लिंक करावा लागेल. मतदारांना आधार कार्ड क्रमांक ऑनलाइनही देता येणार आहे. यासाठी फॉर्म 6-बी ऑनलाइन देखील उपलब्ध असेल.

आता 17 व्या वर्षांनंतर तरुणांना करता येणार मतदार यादीसाठी अर्ज, निवडणूक आयोगाने जारी केल्या सूचना

"माझा पेपर " आपल्या होम स्क्रीन वर ठेवा