नवी दिल्ली – गुजरातमध्ये दिल्ली मॉडेलचा अवलंब करत अरविंद केजरीवाल यांनी गुजरातमध्ये आम आदमी पक्षाची सत्ता आल्यास गुजरातमधील जनतेला 300 युनिटपर्यंत मोफत वीज दिली जाईल, असे आश्वासन दिले. सुरतच्या टाऊन हॉलमध्ये जाहीर सभेला संबोधित करताना अरविंद केजरीवाल यांनी ही घोषणा केली. आमचे सरकार आल्यास 24 तास वीज पुरवठा विना खंडित होईल, असेही ते म्हणाले.

31 डिसेंबर 2021 पूर्वीची सर्व पेमेंट बिले केली जातील माफ
जाहीर सभेला संबोधित करताना अरविंद केजरीवाल म्हणाले की, मी तुम्हाला हमी देतो. नंतर चूक लक्षात आली, तर पुढच्या निवडणुकीत तुम्हाला मत देऊ नका. सत्तेत आल्यावर सर्व आश्वासनांची पूर्तता करू. यासोबतच अरविंद केजरीवाल यांनी घोषणा केली की 31 डिसेंबर 2021 पूर्वीची सर्व प्रलंबित वीज बिले माफ केली जातील.

जुलैमध्ये केजरीवाल दुसऱ्यांदा पोहोचले गुजरातमध्ये
अरविंद केजरीवाल यांचा या महिन्यातील हा दुसरा गुजरात दौरा होता. यापूर्वी 3 जुलै रोजी अरविंद केजरीवाल अहमदाबादला पोहोचले होते. तेथेही जाहीर सभेला संबोधित करताना त्यांनी मोफत विजेबाबत वक्तव्य केले. सुरतमध्ये आज एका जाहीर सभेला संबोधित करताना अरविंद केजरीवाल म्हणाले की, येत्या काही आठवड्यात आम आदमी पार्टी गुजरातबाबत आपला अजेंडा लोकांसोबत शेअर करेल. सत्तेत आल्यानंतर त्याच अजेंड्यावर काम केले जाईल.

भाजप अध्यक्षांनी खिल्ली उडवली तेव्हा केजरीवाल यांनी दिले उत्तर-
अरविंद केजरीवाल यांच्या मोफत वीज देण्याच्या आश्वासनावर गुजरात भाजपचे अध्यक्ष सीआर पाटील यांनी “वचनम गरीबी” असे ट्विट केले. म्हणजे आपण शब्दांनी गरीब का होतो? सीआर पाटील यांच्या ट्विटला उत्तर देताना अरविंद केजरीवाल यांनी लिहिले की पाटील साहेब, ही केजरीवालांची हमी आहे. आम्ही सांगतो तेच करतो. जनतेला फायदा होत आहे. गुजरातच्या लोकांचा विरोध का करत आहात?

"माझा पेपर " आपल्या होम स्क्रीन वर ठेवा