नवी दिल्ली – मीडिया रिपोर्ट्सनुसार, एअर इंडियाच्या सुमारे 4500 कर्मचाऱ्यांनी कंपनीने देऊ केलेली VRS (स्वैच्छिक सेवानिवृत्ती) योजना स्वीकारली आहे. एअर इंडियाच्या अंतर्गत सूत्रांकडून ही माहिती समोर येत आहे.
टाटा समूहाने, एअर इंडियाचे अधिग्रहण केल्यानंतर, कंपनीमध्ये नवीन ऊर्जा ओतण्यासाठी आणि वेगवेगळ्या ऑपरेशन्समध्ये नवीन नियुक्ती करण्यासाठी आपल्या विद्यमान कर्मचाऱ्यांना एक आकर्षक VRS योजना ऑफर केली होती. ही प्रक्रिया कंपनीमध्ये नवीन ऊर्जा ओतण्यासाठी कंपनीचे प्रमुख धोरण म्हणून उदयास आली.
एअर इंडियाच्या एक्झिक्युटिव्हच्या मते, एअरलाइन सध्या खर्चात कपात करणे, उत्पादकता सुधारणे तसेच परंपरागत प्रणालींचे पुनरुज्जीवन करणे आणि डिजिटल संस्कृती स्वीकारणे यासारख्या सुधारणांवर काम करत आहे.
टाटा समूहाने जेव्हा एअर इंडियाचे अधिग्रहण केले, तेव्हा एअर इंडियामध्ये सुमारे 13000 कर्मचारी होते, त्यापैकी 8000 कायमस्वरूपी होते आणि बाकीचे कंत्राटी तत्त्वावर होते.
एअर इंडियाच्या सूत्रानुसार, कंपनीमध्ये मोठ्या बदलाची प्रक्रिया सुरू आहे. कंपनीशी संबंधित अधिकारी सांगतात की आम्ही काही अत्याधुनिक विमाने खरेदी करणार आहोत. यासाठी आम्हांला आंतरराष्ट्रीय अनुभव असलेल्या उच्च प्रतिभेची गरज आहे, जी नवीन इंजिन आणि मशीन ऑपरेट करू शकतात.
कंपनीच्या एका अधिकाऱ्याने दिलेल्या माहितीनुसार, आम्ही फ्लीट अपग्रेडेशन, अधिकाधिक गंतव्यस्थानांवर फ्लाइट सेवा चालवणे आणि विमानात आणि जमिनीवर लोकांना जागतिक दर्जाच्या सुविधा पुरवण्यावर काम करत आहोत.
वृत्तानुसार, एअर इंडिया आगामी काळात बोईंगची नॅरो बॉडी विमाने आणि एअरबस ए 350 विकत घेण्याचा विचार करत आहे, ज्यामुळे एअरलाइनसोबत विमानांचा ताफा आणखी मजबूत होईल. जून महिन्यात एअर इंडियाने कायम कर्मचाऱ्यांसाठी VRS घेण्यासाठी आवश्यक असलेली वयोमर्यादा 55 वर्षांवरून 40 वर्षे केली होती.
यासोबतच कंपनीच्या वतीने असेही सांगण्यात आले आहे की, कंपनीचे जे कर्मचारी 1 जून 2022 ते 31 जुलै 2022 या कालावधीत VRS साठी अर्ज करतील, त्यांनाही एक्स-ग्रेशिया रक्कम दिली जाईल.
येत्या दोन वर्षांत एअर इंडियाचे सुमारे 4000 कर्मचारीही निवृत्त होणार आहेत. हे लक्षात घेऊन कंपनीने आपल्या योजनेअंतर्गत देशातील मेट्रो शहरांमध्ये मोठ्या प्रमाणात भरती मोहीम सुरू केली आहे.