अजमेर – भारतीय जनता पक्षाच्या माजी प्रवक्त्या नुपूर शर्मा यांना जीवे मारण्याची धमकी देणारा खादिम सलमान चिश्ती याला अजमेर पोलिसांनी अटक केली आहे. अजमेर पोलिसांनी रात्री उशिरा ही कारवाई केली आहे. धमकीचा व्हिडिओ व्हायरल झाल्यानंतर सलमान चिश्ती फरार झाला होता. एएसपी विकास संगवान यांनी सलमान चिश्तीच्या अटकेला दुजोरा दिला आहे.
एएसपी विकास सांगवान म्हणाले, आम्हाला अशी माहिती मिळाली होती की दर्ग्याचे खादिम सलमान चिश्ती यांनी एक दिशाभूल करणारा आणि आक्षेपार्ह व्हिडिओ टाकला होता, त्यानंतर या प्रकरणी एफआयआर नोंदवण्यात आला. त्यांनी सांगितले की, सलमान चिश्तीला त्याच्या घरातून पकडण्यात आले आहे आणि सध्या त्याची चौकशी सुरू आहे. त्याने नुपूर शर्माबाबत काही आक्षेपार्ह वक्तव्य केले होते. पोलीस अधिकाऱ्याने सांगितले की, सलमान चिश्तीने दारूच्या नशेत हा व्हिडिओ बनवल्याचे प्रथमदर्शनी कळते. सलमान चिश्ती हा हिस्ट्री शीटर असून त्याच्यावर 13 गुन्हे दाखल आहेत.
व्हिडिओमध्ये काय म्हटले होते?
कुख्यात बदमाश आणि दर्ग्याचे खादिम सलमान चिश्ती याने भाजपच्या माजी प्रवक्त्या नुपूर शर्मा यांना दोन मिनिटे पन्नास सेकंदाच्या व्हिडिओमध्ये जीवे मारण्याची धमकी दिली होती. व्हिडीओमध्ये तो म्हणत आहे की, सध्याचा काळ पूर्वीसारखी नाही, नाहीतर मी बोललो नसतो, मला जन्म देणाऱ्या माझ्या आईची शपथ घेतो, मी तिला जाहीरपणे गोळ्या घातल्या असत्या, मी माझ्या मुलांची शपथ घेतो, मी तिला गोळ्या घातल्या असत्या आणि आजही मी छाती ठोकून सांगतो, जो कोणी नुपूर शर्माचा शिर कापून आणेल, त्याला मी माझे घर देईन आणि येथून निघून जाईन, अशी घोषणा सलमानने केली होती.
चिथावणीखोर भाषणानंतर करण्यात आली होती कन्हैया लालची हत्या
व्हिडीओमध्ये पुढे त्याने स्वतःला ख्वाजाचा सच्चा सैनिक असल्याचे सांगितले की, आजही माझ्यात फाडण्याची ताकद आहे. व्हायरल व्हिडिओमध्ये सलमान मुस्लिमांना भडकवणाऱ्या गोष्टीही बोलत आहे. 17 जून रोजी दर्ग्याचे खादिम गौहर चिश्ती यांनी गरीब नवाजच्या दर्ग्याबाहेरून काढलेल्या मूक मिरवणुकीत प्रक्षोभक भाषणही केले होते. उदयपूरमध्ये कन्हैया लालची हत्या झाल्यानंतर ‘गुस्ताख-ए-रसूल की येही सजा, सर तन से जुडा, सर तन से जुडा’ अशी घोषणा देण्यात आली होती.