नवी दिल्ली – जर तुम्ही देखील एअरटेलचे ग्राहक असाल आणि असा प्री-पेड प्लान शोधत असाल ज्यात एक महिन्याची वैधता मिळत असेल आणि त्याची किंमतही कमी असेल, तर तुमच्यासाठी एक आनंदाची बातमी आहे. एअरटेलने चार नवीन आणि परवडणारे प्री-पेड प्लॅन लॉन्च केले आहेत. एअरटेलच्या या दोन प्लॅनची माहिती सर्वप्रथम टेलिकॉम टॉकने दिली आहे. एअरटेलच्या या चार प्लॅनच्या किंमती अनुक्रमे 109 रुपये, 111 रुपये, 128 रुपये आणि 131 रुपये आहेत. जाणून घेऊया त्याबद्दल…
एअरटेलच्या 109 रुपयांच्या प्लॅनचे फायदे
एअरटेलच्या सर्वात स्वस्त प्लॅनबद्दल बोलायचे झाले तर या लिस्टमध्ये 109 रुपयांच्या प्लॅनमध्ये 200 एमबी डेटा मिळेल. याशिवाय 2.5 पैसे प्रति मिनिट या प्लॅनमध्ये लोकल आणि एसटीडी कॉल करता येणार आहेत. या प्लॅनमध्ये 99 रुपयांचा टॉक टाईम देखील मिळेल. या प्लॅनची वैधता 30 दिवसांची आहे.
एअरटेलच्या 111 रुपयांच्या प्लॅनचे फायदे
आता 111 रुपयांच्या प्लॅनबद्दल बोलायचे झाले तर यामध्येही तुम्हाला 109 रुपयांच्या प्लॅनमध्ये उपलब्ध असलेल्या सर्व सुविधा मिळतील, परंतु या प्लॅनसह तुम्हाला पूर्ण महिन्याची वैधता मिळेल, म्हणजेच तुम्ही 1 ऑगस्टला रिचार्ज केल्यास, तर तुमची वैधता 1 सप्टेंबर पर्यंत असेल या प्लॅनमध्ये 2.5 पैसे प्रति मिनिट या दराने लोकल आणि एसटीडी कॉल्सही करता येतील. या प्लॅनमध्ये 99 रुपयांचा टॉक टाईम देखील मिळेल.
एअरटेलच्या 128 रुपयांच्या प्लॅनचे फायदे
एअरटेलच्या 128 रुपयांच्या प्री-पेड प्लॅनला 30 दिवसांची वैधता देखील मिळेल. या प्लॅनमध्ये टॉक टाइम मिळणार नाही. या प्लॅनमध्ये 2.5 पैसे प्रति मिनिट या दराने लोकल आणि एसटीडी कॉल करता येणार आहेत. या प्लॅनमध्ये 50 पैसे प्रति एमबी दराने डेटा उपलब्ध असेल.
एअरटेलच्या 131 रुपयांच्या प्लॅनचे फायदे
एअरटेलच्या 131 रुपयांच्या प्रीपेड प्लॅनमध्ये एक महिन्याची वैधता देखील उपलब्ध असेल. या प्लॅनमध्ये टॉक टाइम मिळणार नाही. या प्लॅनमध्ये 2.5 पैसे प्रति मिनिट या दराने लोकल आणि एसटीडी कॉल करता येणार आहेत. या प्लॅनमध्ये 50 पैसे प्रति एमबी दराने डेटा उपलब्ध असेल.