नवी दिल्ली : दिल्ली पोलिसांनी सोनिया गांधी यांचे स्वीय सचिव पीपी माधवन यांच्याविरोधात बलात्कार आणि धमकावण्याचा गुन्हा दाखल केला आहे. पोलिसांनी सांगितले की, एका 26 वर्षीय महिलेने तक्रार दाखल केली आहे की, माधवनने नोकरी आणि लग्नाच्या बहाण्याने तिच्यावर बलात्कार केला. पोलीस अधिकाऱ्याच्या म्हणण्यानुसार, पीडितेने सांगितले की, आरोपीने तिच्यावर बलात्कार केला आणि या प्रकरणाची तक्रार केल्यास गंभीर परिणाम भोगावे लागतील, अशी धमकी दिली होती. पीडितेने 25 जून रोजी उत्तम नगर पोलिस ठाण्यात तक्रार दाखल केली होती. द्वारकाचे डीसीपी एम हर्षवर्धन यांनी सांगितले की, माधवनविरुद्ध बलात्कार आणि गुन्हेगारी धमकीच्या कलमांखाली गुन्हा दाखल करण्यात आला आहे. 71 वर्षीय माधवन याच्या विरोधात पोलिस तपास करत आहेत. डीसीपीने मात्र कोणत्याही राजकीय नेत्याचे नाव घेतले नाही. डीसीपीने सांगितले की, महिला फक्त दिल्लीत राहते. 2020 मध्ये निधन झालेले तिचे पती काँग्रेस कार्यालयात काम करत होते.
पोलीस अधिकाऱ्याच्या म्हणण्यानुसार, पीडितेने सांगितले की, आरोपीने तिच्यावर बलात्कार केला आणि या प्रकरणाची तक्रार केल्यास गंभीर परिणाम भोगावे लागतील, अशी धमकी दिली. पीडितेच्या तक्रारीवरून माधवनविरुद्ध उत्तम नगर पोलिस ठाण्यात बलात्कार आणि जीवे मारण्याची धमकी दिल्याचा गुन्हा दाखल करण्यात आला आहे.
जिल्हा पोलिस उपायुक्त एम हर्षवर्धन यांनी सांगितले की, महिलेच्या तक्रारीवरून गुन्हा दाखल करण्यात आला आहे. या संपूर्ण प्रकरणाची चौकशी करण्यात येत आहे. जीवाला धोका असल्याचे कारण देत पीडितेने पोलिस संरक्षणाची मागणी केली आहे.
तक्रारीनुसार, पीडित तरुणी उत्तम नगर परिसरात राहते. महिलेचा नवरा काँग्रेसचा कार्यकर्ता होता, तो होर्डिंग-बॅनर लावायचा. यामुळे त्या काँग्रेस पक्षाच्या संपर्कात आल्या आणि पक्षाच्या कार्यालयात आणि कार्यक्रमांना भेटी देऊ लागल्या.
पतीच्या निधनानंतर काँग्रेस कार्यालयात गेली काम विचारण्यासाठी
2020 मध्ये तिच्या पतीचे निधन झाले. पतीच्या मृत्यूमुळे आणि कोरोनामुळे तिला एकवेळेचे अन्न मिळणे देखील मुश्किल झाले होते. जेव्हा त्या पक्षाच्या कार्यालयात मदतीसाठी गेल्या, तेव्हा तिथल्या एका कार्यकर्त्याने तिला सोनिया गांधींचे पीए पीपी माधवन यांचा मोबाइल नंबर दिला.
फोनवरून तिने माधवनला तिची आर्थिक परिस्थिती सांगितली आणि काम मिळवून देण्याची विनंती केली. यानंतर माधवन आणि महिलेमध्ये वारंवार बोलणे सुरू झाले. 21 जानेवारी 2022 रोजी, माधवनने तिला नोकरीसाठी मुलाखत देण्याविषयी बोलवले आणि पीडितेला सांगितले की त्याची पत्नी मरण पावली आहे.
तो अविवाहित आहे आणि त्याला तिच्याशी लग्न करायचे आहे. यानंतर दोघांमधील जवळीक आणखी वाढली. एके दिवशी आरोपीने उत्तम नगरला रात्री भेटण्यासाठी बोलावले. सुरुवातीला महिलेने नकार दिला, पण आग्रह धरल्यानंतर ती येण्यास तयार झाली. आरोपीने महिलेला कारमध्ये बसवले आणि तिच्या ड्रायव्हरला गाडीतून उतरवले. यानंतर त्याने तिच्यासोबत गलिच्छ काम केल्याचा आरोप पीडितेने केला आहे.
लग्नासाठी दबाव टाकण्याची धमकी दिली
फेब्रुवारी 2022 मध्ये आरोपीने पीडितेला सुंदरनगर येथील घरी बोलावून तिच्यावर बलात्कार केला. दरम्यान, पत्नी जिवंत असल्याचे पीडितेला समजले. पीडितेने माधवनला विचारणा केली असता, तो बहाणा करू लागला. नंतर त्याने पीडितेला काही पैशांचे आमिष दाखवून गप्प बसण्यास सांगितले. काही झाले नाही, तर पीडितेला जीवे मारण्याची धमकी दिली.