नवी दिल्ली – रुग्णालयात दाखल झालेल्या रुग्णाला यापुढे नर्सला वारंवार बोलावण्याची गरज भासणार नाही. तसेच रुग्णाला नॉर्मलवरून आयसीयू वॉर्डमध्ये हलवण्यासाठी डॉक्टरांना चाचणी अहवाल किंवा नर्सच्या माहितीवर अवलंबून राहावे लागणार नाही. भारतीय संशोधकांनी डोजी हे सेन्सरलेस पेशंट मॉनिटरिंग प्लॅटफॉर्म विकसित केले आहे, ज्याच्या मदतीने हॉस्पिटलच्या वॉर्डमध्ये दाखल असलेल्या सर्व रूग्णांचे फक्त एका नर्सद्वारे सहज निरीक्षण केले जाऊ शकते.
ही नर्स प्रत्येक तासाला मॉनिटरवर बसलेल्या सर्व रुग्णांची माहिती घेऊ शकते आणि एखाद्याची तब्येत बिघडत असेल, तर त्याला तातडीने आयसीयूमध्ये हलवता येईल. मोदी सरकारने मेक इन इंडियामध्ये या नवीन तंत्रज्ञानाचा समावेश करून ते ई-जेम प्लॅटफॉर्मवर उपलब्ध करून दिले आहे.
दिल्लीसह देशातील काही भागात हे उपकरण यशस्वीपणे काम करत आहे. कोरोनाच्या दुसऱ्या लाटेत दिल्लीतील वल्लभभाई पटेल कोविड सेंटरमध्ये या उपकरणाद्वारे रुग्णांवर लक्ष ठेवण्यात आले आणि गरजू रुग्णांना तातडीने जवळच्या रुग्णालयात आयसीयूमध्ये दाखल करण्यात आले.
काय आहे हे सेन्सरलेस उपकरण
संशोधकांनी डोजी नावाचे दोन प्रकारचे सेंसरलेस उपकरण तयार केले आहे. एक, जे हॉस्पिटलमध्ये स्थापित केले जाऊ शकते आणि दुसरे झोपताना आरोग्यातील बदलांवर लक्ष ठेवण्यासाठी घरात एखाद्याच्या बेडखाली ठेवता येते. आता देशातील 300 हून अधिक सरकारी रुग्णालयांमध्ये त्याची स्थापना झाली आहे. दिल्ली सरकारच्या लोकनायक रुग्णालयाव्यतिरिक्त, एम्स इत्यादीमधील डॉक्टरांसाठी ते उपयुक्त ठरत आहे.
देशातील रुग्णालयांची स्थिती
- भारतात 1,00,000 हून अधिक रुग्णालये कार्यरत आहेत.
- रुग्णालयांमध्ये 20,00,000 पेक्षा जास्त खाटा आहेत.
- 1250 ICU बेडवर डिजिटल मॉनिटरिंग सुविधा.
- रुग्णालयांमध्ये 43,00,000 नर्सिंग स्टाफची कमतरता.
नागपुरातील 200 रुग्णांचे प्राण वाचवले
या सेन्सरलेस यंत्राच्या मदतीने महाराष्ट्रातील नागपूर येथील इंदिरा गांधी मेडिकल कॉलेज (मेयो हॉस्पिटल) मध्ये 200 रुग्णांचे प्राण वाचले. रुग्णालयाच्या वैद्यकीय अभ्यासात जनरल वॉर्डमध्ये दाखल असलेल्या रुग्णांना वेळेत आयसीयूमध्ये हलवण्यात आल्याचे सांगण्यात आले.