‘अग्निपथ’वरुन कंगनाने दंगलखोरांना लगावला टोला, म्हणाली- हा पैसा कमावण्यापलीकडचा मुद्दा

तिच्या सोशल मीडिया अकाऊंटवर पोस्ट शेअर करताना कंगना रणौतने लिहिले की, इस्रायलसारख्या अनेक देशांनी त्यांच्या सर्व तरुणांसाठी सैन्य प्रशिक्षण अनिवार्य केले आहे. या अंतर्गत प्रत्येक तरुणाला काही वर्षांसाठी सैन्यात भरती केले जाते आणि शिस्त, राष्ट्रवाद यासारखी जीवनमूल्ये शिकवले जातात. देशाच्या सीमांचे रक्षण करण्यासाठी या शब्दांचा अर्थ काय हे जाणून घेण्याचाही प्रयत्न केला जातो. अग्निपथचा अर्थ रोजगार किंवा पैसे कमावण्याचे साधन नाही. त्याचा अर्थ खूप खोल आहे.

कंगना पुढे म्हणते, जुन्या काळी प्रत्येकजण गुरुकुलमध्ये जात असे, हे जवळपास असेच आहे. मात्र आता त्यांना तसे केल्याचे पैसेही मिळतील. ड्रग्स आणि PUBG च्या व्यसनामुळे उद्ध्वस्त होत असलेल्या तरुणांना या योजनेची गरज आहे. यासाठी सरकारचे कौतुक केले पाहिजे.

अग्निपथ योजना काय आहे?
या योजनेंतर्गत तरुणांना केवळ चार वर्षांसाठी सैन्यात भरती होण्याची संधी मिळणार आहे. केवळ 17 ते 21 वर्षे वयोगटातील तरुणांनाच अग्निपथ योजनेचा लाभ घेता येईल. मात्र, यंदा तरुणांना वयोमर्यादेत दोन वर्षांची सूट देण्यात आली आहे. म्हणजेच 23 वर्षांपर्यंतचे तरुण 2022 मध्ये होणाऱ्या भरतीमध्ये सहभागी होऊ शकतील. तसेच, या प्रणालीमध्ये निवृत्तीनंतर ग्रॅच्युइटी किंवा पेन्शनची तरतूद नाही.