नवी दिल्ली: चलनविषयक धोरण समितीच्या बैठकीत ऑटो डेबिट करणाऱ्या युजर्सना रिझर्व्ह ऑफ इंडियाने (RBI) मोठी भेट दिली आहे. आरबीआयने ऑटो डेबिटची मर्यादा म्हणजेच आवर्ती पेमेंट 5000 रुपयांवरून 15,000 रुपये केली आहे. 1 जानेवारी 2021 पूर्वी आवर्ती पेमेंटची मर्यादा 2000 रुपये होती. परंतु ऑटो पेमेंटच्या वाढत्या ट्रेंडमुळे आरबीआयने त्याची मर्यादा 15000 रुपयांपर्यंत वाढवली आहे.
आवर्ती पेमेंट म्हणजे काय?
सर्व प्रथम प्रश्न उद्भवतो की आवर्ती पेमेंट म्हणजे काय? तर आम्‍ही तुम्‍हाला सांगूतो की आवर्ती पेमेंट हे स्वयंचलित पेमेंट आहे. ऑटो पेमेंटसाठी OTP टाकावा लागेल. यानंतर, प्रत्येक महिन्याला पेमेंट स्वयंचलितपणे केले जाईल. ऑटो डेबिटबाबत RBI द्वारे 1 ऑक्टोबर 2021 रोजी प्रथमच नियम लागू करण्यात आला. यामध्ये, ऑटो डेबिटच्या दिवशी, बँकांनी ग्राहकांना 24 तास अगोदर संदेश पाठवणे आवश्यक आहे.
या सुविधेचा कुठे होतो उपयोग
आवर्ती अर्थात स्वयं पेमेंट दर महिन्याला निश्चित सेवांसाठी वापरले जाते. उदाहरणार्थ, आवर्ती देयके वीज बिल, नेटफ्लिक्स, अॅमेझॉन प्राइम सारख्या ओटोटी प्लॅटफॉर्म सारख्या पेमेंटसाठी वापरली जातात. या सर्व सेवा त्यांच्या संबंधित तारखांना OTP शिवाय डेबिट केल्या जातात.
भारतात ऑटो डेबिटचा वाढता कल
आरबीआयच्या म्हणण्यानुसार, बहुतांश बँका ऑटो डेबिटची सुविधा देत आहेत. ऑटो डेबिट व्यवहारांची संख्या दिवसेंदिवस वाढत आहे. सध्या या सुविधेअंतर्गत 6.25 कोटींहून अधिक व्यवहार झाले आहेत. यामध्ये 3,400 आंतरराष्ट्रीय व्यापाऱ्यांचा समावेश आहे. अशा परिस्थितीत रिझर्व्ह बँकेने ऑटो पेमेंटची मर्यादा वाढवण्याची घोषणा केली आहे.