नवी दिल्ली – उत्तर प्रदेशची राजधानी लखनऊ येथील अलिगंजमधील आरएसएस कार्यालयाला बॉम्बने उडवून देण्याची धमकी मिळाली आहे. ही धमकी व्हॉट्सअॅपवर संघाशी संबंधित डॉ. नीलकांत मणि पुजारी यांना मिळाला आहे. तीन भाषांमध्ये पाठविलेल्या संदेशामध्ये लखनौ, नवाबगंजसोबतच कर्नाटकमधील चार ठिकाणे बॉम्बने उडवून देण्याची धमकी देण्यात आली आहे. या संदर्भात नीलकांत यांनी मडियांव पोलिस स्टेशनमध्ये तक्रार केली आहे.
मिळालेल्या माहितीनुसार राजधानी अलिगंज येथील राष्ट्रीय स्वयंसेवक संघ कार्यालयामध्ये बॉम्बस्फोट घडवण्याच्या धमकीमुळे रविवारी खळबळ माजली होती. हा धोकादायक संदेश सोशल मीडियावर अलिगंजमध्ये राहणाऱ्या डॉ. नीलकांत मणी पुजारी यांना पाठविण्यात आला. लखनऊ, नवाबगंज (उन्नो) व्यतिरिक्त, कर्नाटकातील चार ठिकाणे बॉम्बने उडवून देण्यासंदर्भात हा संदेश लिहिला गेला.
या प्रकरणात, डॉ. नीलकांत यांनी मडियांव पोलिस स्टेशनमध्ये तक्रार देताना एक खटला दाखल केला आहे. संदेश पाठविणाऱ्याला शोधण्यासाठी पोलिस सायबर क्राइम सेल आणि गुन्हे शाखेची मदत घेत आहेत.
अलिगंज सेक्टर-एनचे रहिवासी डॉ. नीलकांत म्हणाले की ते सुलतानपूरमधील महाविद्यालयात प्राध्यापक आहेत. ते अलिगंज सेक्टर-क्यू येथील संघ कार्यालयाशी देखील संबंधित आहे आणि ते एक जुने स्वयंसेवक देखील आहे. त्यांनी सांगितले की रविवारी दुपारी त्यांना व्हॉट्सअॅपवर हिंदी, कन्नड आणि इंग्रजी तीन भाषांमध्ये एक संदेश मिळाला.