नवी दिल्ली : जगातील सर्वात श्रीमंत व्यक्ती एलन मस्क यांनी कर्मचाऱ्यांबाबत कठोर भूमिका घेणे सुरूच ठेवले असून आता त्यांच्या नव्या घोषणेने इलेक्ट्रिक कार कंपनी टेस्लाच्या कर्मचाऱ्यांमध्ये खळबळ उडाली आहे. टेस्लाचे सीईओ मस्क यांनी कंपनीतील कर्मचाऱ्यांच्या कपातीबाबत मोठे विधान केले आहे.
मस्क यांनी सांगितले हे मोठे कारण
एलन मस्क यांनी सांगितले की ते टेस्ला येथे त्यांच्या एकूण कर्मचाऱ्यांपैकी 10 टक्के कमी करतील. यासोबतच त्यांनी जगभरातील कंपनीतील सर्व नवीन भरतींवरही बंदी घातली आहे. याचे कारण त्यांनी जागतिक अर्थव्यवस्थेची सध्याची परिस्थिती हे दिले आहे. मस्क म्हणाले की, सध्या जागतिक अर्थव्यवस्थेची स्थिती पाहता मला खूप वाईट वाटते आणि असे निर्णय घ्यावे लागतात.
ई-मेलद्वारे दिले आदेश
अहवालानुसार, टेस्लाच्या अधिकाऱ्यांना नियुक्तींबाबत अंतर्गत ईमेल पाठवण्यात आले होते. तेव्हापासून कर्मचाऱ्यांमध्ये भीतीचे वातावरण निर्माण झाले आहे. हे लक्षात घेण्यासारखे आहे की या प्रकरणी टेस्लाकडून अद्याप कोणतीही प्रतिक्रिया आलेली नाही. याआधी नुकतेच एलन मस्क यांनी कर्मचाऱ्यांबाबत मोठे वक्तव्य केले होते.
40 तास कार्यालयीन काम आवश्यक
नुकतेच टेस्लाचे मालक एलन मस्क यांनी त्यांच्या कर्मचाऱ्यांना लिहिलेले एक पत्र सोशल मीडियावर व्हायरल होत आहे. यामध्ये त्यांनी कर्मचाऱ्यांना आठवड्यातून किमान ४० तास कार्यालयात काम करण्यास सांगितले. एकतर कर्मचाऱ्यांनी तसे करावे किंवा त्यांनी कंपनी सोडावी, असे ते म्हणाले. या कालावधीत तुम्ही कार्यालयात हजर न राहिल्यास तुम्ही राजीनामा दिला असे, आम्ही समजू, असे त्यांनी सांगितले.
स्वतःचे उदाहरण देऊन हे सांगितले
मस्क यांनी लिहिले की, वरिष्ठ कर्मचाऱ्यांनी त्यांची उपस्थिती दर्शवणे खूप महत्वाचे आहे. म्हणूनच मी कारखान्यात अधिकाधिक वेळ घालवतो, जेणेकरून तिथे काम करणारे लोक मला त्यांच्यासोबत काम करताना पाहू शकतील. मी हे केले नसते, तर टेस्ला फार पूर्वीच दिवाळखोर झाली असती.