नवी दिल्ली – देशात तीन महिन्यांनंतर कोरोनाच्या दैनंदिन रुग्णांची संख्या पुन्हा 4000 च्या पुढे गेली आहे. गेल्या 24 तासांत भारतात 4041 नवे कोरोना बाधित आढळले आहेत. महाराष्ट्र, केरळ, दिल्लीत पुन्हा एकदा प्रकरणे झपाट्याने वाढत आहेत. गेल्या 24 तासात सक्रिय प्रकरणांमध्ये 1668 ने वाढ झाली आणि ती 21,177 वर पोहोचली. गेल्या काही दिवसांपासून नवीन संक्रमित आणि सक्रिय प्रकरणांमध्ये सातत्याने वाढ होत आहे.
शुक्रवारी सकाळी केंद्रीय आरोग्य मंत्रालयाने अद्यतनित केलेल्या आकडेवारीत दैनंदिन प्रकरणांमध्ये तीव्र वाढ दिसून आली. या दरम्यान 10 जणांचा कोरोनामुळे मृत्यू झाला. मंत्रालयाच्या म्हणण्यानुसार, देशातील एकूण संक्रमितांची संख्या आता 43,168,585 वर पोहोचली आहे, तर एकूण मृतांची संख्या देखील 5,24,651 वर पोहोचली आहे. गेल्या 24 तासात सक्रिय प्रकरणांमध्ये 1668 ने वाढ झाली आणि ती 21,177 वर पोहोचली. गेल्या काही दिवसांपासून नवीन संक्रमित आणि सक्रिय प्रकरणांमध्ये वाढ झाली आहे.
गुरुवारी देशातील कोरोना रुग्णांची संख्या 35.2 टक्क्यांनी वाढली होती. गुरुवारी सकाळी संपलेल्या 24 तासांत कोरोनाचे 3,712 नवीन रुग्ण आढळले होते, तर पाच जणांचा मृत्यू झाला. केरळ, महाराष्ट्र, दिल्ली, हरियाणा आणि कर्नाटकमध्ये कोविडची नवीन प्रकरणे आढळून येत आहेत. या पाच राज्यांमध्ये 80 टक्क्यांहून अधिक नवीन प्रकरणे आढळून आली आहेत.
मुंबईत 17 दिवसांनी कोरोनाबाधिताचा मृत्यू
देशाची आर्थिक राजधानी मुंबईत 17 दिवसांनंतर कोरोनामुळे एकाचा मृत्यू झाला आहे. मुंबईतील रुग्णालयांमध्येही रुग्णांची संख्या वाढली आहे. पुण्यातही संसर्ग वाढत आहे. चेन्नई आणि बंगळुरूसह देशातील अनेक मोठ्या शहरांमध्ये संसर्ग वाढत आहे. महाराष्ट्राचे अतिरिक्त मुख्य आरोग्य सचिव डॉ. प्रदीप व्यास यांनी सांगितले की, मुंबईतील संसर्गाचे प्रमाण 6 टक्के, तर राज्यात 3 टक्के आहे. मुंबईत प्रकरणे वाढत राहिल्यास मास्क पुन्हा एकदा अनिवार्य केला जाऊ शकतो, असे महाराष्ट्राचे उपमुख्यमंत्री अजित पवार यांनी म्हटले आहे.