नवी दिल्ली – रेल्वे मंत्री अश्विनी वैष्णव आणि बांगलादेशचे रेल्वे मंत्री मोहम्मद नुरुल इस्लाम सुजन यांनी व्हिडिओ कॉन्फरन्सिंगद्वारे न्यू जलपाईगुडी (भारत) आणि ढाका (बांगलादेश) दरम्यान चालवण्यात येणाऱ्या मिताली एक्स्प्रेसला हिरवा झेंडा दाखवला. यादरम्यान रेल्वेमंत्री अश्विनी वैष्णव यांनीही आपले भाषण केले. ते म्हणाले की, मिताली एक्स्प्रेस दोन्ही देशांमधील मैत्री वाढवण्यासाठी, संबंध दृढ करण्यासाठी आणखी एक मैलाचा दगड ठरेल. ते म्हणाले की, भारत आणि बांगलादेश यांच्यातील संबंध हा आपला सामायिक वारसा, आपला सामायिक वर्तमान आणि आपले भविष्य यावर आधारित आहेत. दोन्ही देशांमधील सर्व स्तरांवर असलेल्या सौहार्दपूर्ण मैत्रीमुळे आज आपल्या दोन्ही देशांमध्ये जो विकास होत आहे, तो खूप वेगाने वाढला आहे.
29 मे रोजी दोन गाड्यांना देण्यात आला होता ग्रीन सिग्नल
याआधी 29 मे रोजी कोलकाता-ढाका-कोलकाता मैत्री एक्स्प्रेस आणि कोलकाता-खुलना-कोलकाता बंधन एक्स्प्रेसला दोन्ही देशांच्या प्रवाशांच्या सोयीसाठी हिरवा झेंडा दाखवण्यात आला होता.
मिताली एक्सप्रेसची वेळ
मिळालेल्या माहितीनुसार, ट्रेन क्रमांक 13132 न्यू जलपाईगुडी-ढाका कॅन्टोन्मेंट मिताली एक्सप्रेस आठवड्यातून दोन दिवस रविवार आणि बुधवारी धावणार आहे. नियमित सेवेदरम्यान, ट्रेन 11:45 IST वाजता न्यू जलपाईगुडीहून सुटेल. 2020 मध्ये कोरोना महामारीमुळे खबरदारी म्हणून ही सेवा बंद करण्यात आली होती.