श्रीनगर – जम्मू-काश्मीरमध्ये पुन्हा एकदा दहशतवाद्यांचे भ्याड कृत्य समोर आले आहे. कुलगाम जिल्ह्यातील गोपालपोरा भागातील एका हायस्कूलच्या हिंदू महिला शिक्षिकेवर दहशतवाद्यांनी हल्ला केला. गोळी लागल्याने महिला शिक्षिका गंभीर जखमी झाली. जखमीला रुग्णालयात नेण्यात आले, मात्र वाटेतच तिचा मृत्यू झाला.
माहिती मिळताच पोलीस आणि सुरक्षा दल घटनास्थळी पोहोचले असून परिसराची नाकाबंदी करण्यात आली आहे. दहशतवाद्याचा शोध सुरू आहे. पोलिसांकडून मिळालेल्या माहितीनुसार, मंगळवारी कुलगाममधील गोपालपोरा भागात दहशतवाद्यांनी एका शिक्षिकेवर गोळीबार केला.
रजनी राज कुमार असे या शिक्षकाचे नाव आहे. ती जम्मू विभागातील सांबा जिल्ह्याची रहिवासी होती. या जघन्य दहशतवादी गुन्ह्यात सहभागी असलेल्या दहशतवाद्यांची लवकरच ओळख पटवून त्यांना ठार केले जाईल, असे पोलिसांचे म्हणणे आहे.
ओमर अब्दुल्ला यांनी शिक्षिकेच्या हत्येवर व्यक्त केला शोक
माजी मुख्यमंत्री आणि नॅशनल कॉन्फरन्सचे नेते ओमर अब्दुल्ला यांनी शिक्षिकेच्या हत्येबद्दल शोक व्यक्त केला. ओमर अब्दुल्ला यांनी आपल्या ट्विटर हँडलवर लिहिले की, ‘खूप दुःखी. निष्पाप नागरिकांवरील अलीकडील हल्ल्यांच्या दीर्घ यादीतील ही आणखी एक लक्ष्य हत्या आहे. निषेध आणि शोक व्यक्त करणारे शब्द पोकळ होत आहेत. परिस्थिती सामान्य होईपर्यंत ते स्वस्थ बसणार नाहीत, असे सरकारकडून केवळ आश्वासन आहे.