नवी दिल्ली – 204 COBRA CRPF कॉन्स्टेबल विकास कुमार यांना मरणोत्तर शौर्य चक्र प्रदान करण्यात आले आहे. शहीद विकास कुमार यांची पत्नी नंदिनी देवी आणि आई कलेशिया यांना राष्ट्रपती राम नाथ कोविंद यांच्या हस्ते त्यांचे शौर्य चक्र (मरणोत्तर) राष्ट्रपती भवनात प्रदान करण्यात आले.
कॉन्स्टेबल कुलदीप कुमार यांना शौर्य चक्र
राष्ट्रपतींनी 118 सीआरपीएफ कॉन्स्टेबल कुलदीप कुमार उरवान यांना त्यांच्या शौर्याबद्दल मरणोत्तर शौर्य चक्र प्रदान केले. त्यांच्या पत्नी बंदना उरवान यांनी राष्ट्रपतींच्या हस्ते हा पुरस्कार स्वीकारला.
कमांडो देबाशीष सेठी आणि सुधीर कुमार तुडू यांना शौर्य चक्र
ओडिशा पोलीस कमांडो देबाशीष सेठी आणि सुधीर कुमार तुडू यांना राष्ट्रपती भवनात शौर्य चक्र (मरणोत्तर) प्रदान करण्यात आले. देबासिस सेठीचे आई-वडील छाया आणि सनातन सेठी आणि सुधीर कुमार तुडू यांची आई ज्वाला तुडू यांनी राष्ट्रपती राम नाथ कोविंद यांच्याकडून हा पुरस्कार स्वीकारला.