अक्षय कुमार हा बॉलिवूडमधील सर्वात महागड्या कलाकारांपैकी एक आहे. 2007 मध्ये ‘वेलकम’ बॉक्स ऑफिसवर हिट झाल्यापासून अक्षय कुमारने प्रत्येक चित्रपटासाठी 99 कोटी रुपये आकारण्यास सुरुवात केली. त्‍यामुळे त्‍याच्‍या नेटवर्थमध्‍ये दरवर्षी 15 ते 20 टक्‍क्‍यांनी वाढ होऊ लागली आणि त्‍याचा समावेश सर्वाधिक मानधन घेणा-या अभिनेत्‍यांच्या यादीत झाला. खिलाडी कुमार एवढ्यावरच थांबला नाही. लॉकडाऊनमध्ये प्रत्येकजण आपापल्या घरात कैद झाला होता, त्यानंतर कलाकार सतत काम करत होते आणि याचा फायदा घेत अभिनेत्याने पुन्हा एकदा आपले मानधन वाढवले आणि प्रत्येक चित्रपटासाठी 108 कोटी रुपयांपासून 112 कोटी रुपयांपर्यंत मानधन आकारले.

मात्र, अक्षय कुमारच्या मानधनामुळे चित्रपटाच्या निर्मात्यांना मोठा तोटा सहन करावा लागत आहे. मीडिया रिपोर्ट्सनुसार, अभिनेत्याच्या नुकत्याच रिलीज झालेल्या ‘बच्चन पांडे’चे बजेट अक्षय कुमारच्या मानधनामुळे वाढवावे लागले होते. तथापि, अक्षय कुमारच्या नावाने चित्रपटाला कोणताही फायदा झाला नाही आणि ‘बच्चन पांडे’ने बॉक्स ऑफिसवर 50 कोटींहून अधिक कमाई करून फ्लॉप झाल. केवळ बच्चन पांडेच नाही, तर ‘बेल बॉटम’ आणि त्याचे इतर रिलीज देखील स्टारच्या प्रचंड मानधनामुळे बजेटपेक्षा जास्त गेले. यामुळेच आता खिलाडी कुमारने आपले मानधन कमी करण्याचा निर्णय घेतला आहे.

मीडिया रिपोर्ट्समध्ये असा दावा केला जात आहे की ‘बच्चन पांडे’च्या खराब कामगिरीचा अक्षय कुमारवर खूप परिणाम झाला आहे आणि त्याने त्याच्या आगामी प्रोजेक्ट्ससाठी 100 कोटी रुपयांपेक्षा कमी मानधन आकारण्याचा निर्णय घेतला आहे. ज्यांचे बजेट मर्यादित आहे, अशाच चित्रपटांसाठी त्याने हा निर्णय घेतला आहे. या यादीत अक्कीचा आगामी चित्रपट सेल्फी, सूरराई पोत्रू रिमेक इत्यादी नावांचा समावेश आहे.

अक्षय कुमारने त्याच्या आगामी ‘सिंड्रेला’ चित्रपटासाठी 135 कोटी रुपयांची मागणी केली आहे, ज्यामुळे तो हिंदी चित्रपटसृष्टीतील सर्वाधिक मानधन घेणारा अभिनेता बनला आहे. त्याचवेळी अक्षय कुमारने ‘बडे मियाँ छोटे मियाँ’साठी 140-150 कोटी रुपये चार्ज केल्याची माहिती आहे.