नवी दिल्ली – ऑल इंडिया इन्स्टिट्यूट ऑफ मेडिकल सायन्सेस (एम्स) ने आता 300 रुपयांपर्यंतच्या सर्व चाचण्या मोफत करण्याचा निर्णय घेतला असून यामुळे हजारो रुग्णांना दिलासा मिळाला आहे. एम्स व्यवस्थापनाने गुरुवारी संध्याकाळी याबाबतचा आदेश जारी केला. मात्र, दुसरीकडे खासगी वॉर्डाच्या शुल्कात दीड ते दुपटीने वाढ करण्यात आली आहे. तब्बल 10 वर्षांनंतर खासगी वॉर्डाच्या शुल्कात वाढ करण्यात आली आहे.
व्यवस्थापनाच्या या निर्णयामुळे आता रक्त तपासणी, क्ष-किरण, अल्ट्रासाऊंड आदी मोफत होणार असून त्यासाठी रुग्णाला जास्तीत जास्त 300 रुपये मोजावे लागत होते. खरं तर, रुग्णांचा खर्च कमी करण्यासाठी एम्स व्यवस्थापन अनेक वर्षांपासून 500 रुपयांपर्यंतच्या सर्व चाचण्या मोफत करण्याचा विचार करत होते. या निर्णयामुळे एम्सच्या बजेटवर परिणाम होणार नाही, खर्चाचा ताळमेळ राखण्यासाठी खासगी वॉर्डाचे शुल्क वाढवण्यात आले आहे.
- खाजगी वॉर्ड रूम आणि जेवण महाग
- खासगी वॉर्डात आता ब वर्ग खोलीसाठी 2000 ऐवजी 3000 मोजावे लागणार आहेत.
- डिलक्स रूमसाठी तीन हजारांऐवजी 6000 रुपये मोजावे लागतील
- जेवणाचे दरही 200 रुपयांवरून 300 रुपये करण्यात आले आहेत. आहे. हे नवीन शुल्क 1 जूनपासून लागू होणार आहे.