नवी दिल्ली – महागाईच्या आघाडीवर देशातील जनतेला एकापाठोपाठ एक मोठे झटके बसत आहेत. वाढत्या महागाईवर नियंत्रण ठेवण्याचे सरकारचे सर्व प्रयत्न अयशस्वी ठरत आहेत. पूर्वी, किरकोळ महागाई 18 महिन्यांच्या उच्चांकावर पोहोचली होती आणि आता घाऊक महागाईतही मोठी वाढ झाली आहे. मंगळवारी सरकारने जाहीर केलेल्या आकडेवारीनुसार, घाऊक महागाईचा दर एप्रिलमध्ये 15.08 टक्क्यांवर पोहोचला आहे. गेल्या महिन्यात मार्चमध्ये तो 14.55 टक्के होता.
सलग 13व्या महिन्यात महागाई दर दुहेरी अंकात
घाऊक महागाईचा नवा विक्रमी स्तर गाठण्यात सगळ्यात मोठा हात आहे, तो अन्नधान्यापासून विविध वस्तूंच्या किमतीत झालेल्या वाढीचा. गेल्या वर्षी याच कालावधीत घाऊक महागाई दर 10.74 टक्के होता. हे लक्षात घेण्यासारखे आहे की घाऊक महागाई गेल्या वर्षी एप्रिलपासून सलग 13 व्या महिन्यात दुहेरी अंकात राहिली आहे.