द काश्मीर फाइल्स: सिंगापूरने घातली चित्रपटावर बंदी, शशी थरूर झाले खूश, तर विवेक अग्निहोत्री म्हणाले – मूर्ख

मनोरंजन, सर्वात लोकप्रिय / By / अनुपम खेर, काँग्रेस नेते, द काश्मीर फाईल्स, विवेक अग्निहोत्री, शशी थरुर /


काश्मिरी पंडितांच्या हत्याकांडावर आधारित ‘द काश्मीर फाइल्स’ या चित्रपटाने बॉक्स ऑफिसवर धुमाकूळ घातला आहे. जगभरात 337 कोटींचा गल्ला जमवणारा हा चित्रपट रिलीज झाल्यापासून जगभरात चर्चेचा विषय ठरला आहे. अनुपम खेर, मिथुन चक्रवर्ती यांची भूमिका असलेला हा चित्रपट पुन्हा एकदा वादात सापडला आहे. विवेक अग्निहोत्री दिग्दर्शित ‘द काश्मीर फाइल्स’ या चित्रपटावर सिंगापूरमध्ये बंदी घालण्यात आल्याची बातमी समोर येत आहे.

भाजपवर शशी थरूर यांनी सोडले टीकास्त्र
सिंगापूरमधील बंदीची बातमी समोर आल्यानंतर तिरुअनंतपुरमचे खासदार आणि काँग्रेस नेते शशी थरूर यांनी ट्विट करून भाजप आणि विवेक अग्निहोत्री यांची खिल्ली उडवली. एका रिपोर्टचा स्क्रीनशॉट शेअर करत शशी थरूर यांनी लिहिले की, भारताच्या सत्ताधारी पक्षाकडून ज्या चित्रपटाचा प्रचार केला जात होता, त्या चित्रपटावर सिंगापूरमध्ये बंदी घालण्यात आली आहे.

का घालण्यात आली चित्रपटावर बंदी ?
‘द काश्मीर फाइल्स’वर बंदी घालण्यामागचे कारण शशी थरूर यांनी शेअर केलेल्या स्क्रीनशॉटमध्ये दिले आहे. स्क्रीनशॉटमध्ये असे लिहिले आहे, काश्मीर फाइल्समध्ये मुस्लिमांना चिथावणी देणारे आणि काश्मीरमध्ये सुरू असलेल्या संघर्षात हिंदूंचा छळ होत असल्याचे एकतर्फी चित्रण आहे. त्यामुळे चित्रपट विविध समुदायांमध्ये वैर निर्माण करतो आणि आपल्या बहु-धार्मिक समाजात सामाजिक अंतर निर्माण करतो. सद्भावना बाधित करण्याची क्षमता आहे आणि सिंगापूरमधील धार्मिक समुदायांना बदनाम करणारी कोणतीही सामग्री सोडण्याची परवानगी दिली जाणार नाही.

अनुपम खेर यांनी दिले उत्तर
शशी थरूर यांच्या ट्विटला उत्तर देताना अनुपम खेर यांनी ट्विट केले की, प्रिय शशी थरूर! काश्मिरी हिंदूंच्या हत्याकांडाबद्दल तुमची उदासीनता दुःखद आहे. बाकी काही नाही तर, निदान स्वत: काश्मिरी असलेल्या सुनंदाच्या फायद्यासाठी तुम्ही काश्मिरी पंडितांबद्दल थोडी संवेदनशीलता दाखवली पाहिजे आणि काश्मीर फाइल्सवर बंदी घालणाऱ्या देशाला विजयी वाटू नये!


विवेक अग्निहोत्री यांनीही दर्शवला विरोध
विवेक अग्निहोत्री यांनी शशी थरूर यांना मूर्ख संबोधले आणि लिहिले प्रिय शशी थरूर, तुमच्या माहितीसाठी, आम्ही तुम्हाला सांगतो की सिंगापूर जगातील सर्वात प्रतिगामी सेन्सॉर आहे. तसेच येशू ख्रिस्ताच्या शेवटच्या प्रलोभनांवर (तुमच्या मॅडमला विचारा) बंदी घातली. द लीला हॉटेल फाइल्स या रोमँटिक चित्रपटावरही बंदी घालण्यात आली होती. कृपया काश्मिरी हिंदू नरसंहाराची चेष्टा करणे थांबवा.