कोलंबो – पंतप्रधान महिंदा राजपक्षे यांच्या राजीनाम्यानंतर श्रीलंकेत सोमवारी प्रचंड हिंसाचार उसळला. यामध्ये सत्ताधारी पक्षाचे खासदार अमरकीर्ती अथुकोराला यांनी एका तरुणाची गोळी झाडून हत्या केली आणि नंतर स्वत:वरही गोळी झाडली. अलिकडच्या आठवड्यात झालेल्या हिंसाचारात पाच जणांचा मृत्यू झाला असून 200 हून अधिक जण जखमी झाले आहेत.
श्रीलंकेतील आर्थिक संकट थांबण्याचे नाव घेत नसल्यामुळे तणाव वाढत असतानाही बुधवारपर्यंत संपूर्ण श्रीलंकेत कर्फ्यू लागू करण्यात आला आहे. देश गंभीर आर्थिक आणि राजकीय संकटात आहे. या संकटाला देशातील सर्वात शक्तिशाली राजकीय कुटुंब जबाबदार असल्याचा आरोप विरोधकांनी केला आहे. श्रीलंकेतील संकटामुळे राजपक्षे कुटुंबाची प्रतिमा खराब झाली आहे. पंतप्रधानांव्यतिरिक्त त्यांचे बंधू राष्ट्रपती गोटाबाया राजपक्षे यांच्या राजीनाम्याचीही मागणी होत आहे.
कोलंबोमध्ये लष्कर तैनात
सोमवारी झालेल्या प्रचंड हिंसाचारानंतर देशभरात कर्फ्यू लागू करण्यात आला असून, यापूर्वीच आणीबाणी लागू करण्यात आली आहे. राजधानी कोलंबोमध्ये हिंसाचार नियंत्रणात आणण्यासाठी लष्कर तैनात करण्यात आले आहे.
एका दृष्टीक्षेपात परिस्थिती
- पंतप्रधान महिंदा राजपक्षे यांच्या राजीनाम्यानंतर देशात सर्वपक्षीय अंतरिम सरकार स्थापनेचा मार्ग मोकळा झाला आहे. सोमवारी महिंदा यांनी पायउतार होताच जनतेला संयम बाळगण्याचे आवाहन केले होते.
- पंतप्रधानांच्या राजीनाम्यानंतर त्यांच्या समर्थकांची आंदोलकांशी झटापट सुरू झाली. कोलंबोमध्ये अनेक आठवड्यांपासून आंदोलन करणाऱ्या लोकांशी चकमकही झाली. या हिंसाचारात सत्ताधारी पक्षाचे एसएलपी खासदार अमरकिर्ती यांच्यासह पाच जणांचा मृत्यू झाला होता. या संघर्षात 200 हून अधिक लोक जखमी झाले आहेत.
- हंबनटोटा येथे राजपक्षे कुटुंबाच्या वडिलोपार्जित घराला आग लागली. कोलंबोतील टेम्पल ट्रीजजवळील पंतप्रधानांच्या निवासस्थानावरही आंदोलकांनी घुसण्याचा प्रयत्न केला.
- श्रीलंकेतील लोकांच्या मूलभूत गरजाही पूर्ण केल्या जात नाहीत. दुधापासून ते इंधन उपलब्ध नाही. अन्नधान्याची तीव्र टंचाई आणि वीजपुरवठा खंडित झाल्यामुळे परिस्थिती बिकट आहे.
- श्रीलंकेतील परिस्थितीवर आम्ही बारकाईने लक्ष ठेवून आहोत, असे अमेरिकेने म्हटले आहे. शांततापूर्ण आंदोलक आणि निष्पाप लोकांवरील हिंसाचार चिंताजनक आहे.
- राष्ट्रपती राजपक्षे यांनी संसदेतील सर्व पक्षांना राष्ट्रीय सरकारमध्ये सामील होण्याचे निमंत्रण देणारे निवेदन जारी केले.
- श्रीलंकेवर अब्जावधी डॉलर्सचे कर्ज आहे. प्रचंड महागाई आहे. लोकांचे जीवन सुखकर आहे.
विरोधी पक्षनेते सजीथ प्रेमदासा म्हणाले की, आम्ही सरकार प्रायोजित हिंसाचारापासून स्वतःचा बचाव करण्यास सक्षम आहोत, परंतु आम्ही दया करण्यासही सक्षम आहोत, हे विसरता कामा नये. येणाऱ्या पिढ्या आपण आपला आक्रोश व्यक्त करण्याचा निर्णय घेत आहोत, हे पाहत आहेत. अहिंसा ही सर्वश्रेष्ठ आहे.