लाऊडस्पीकर वाद : मुंबईतील 26 मशिदींच्या धर्मगुरूंचा मोठा निर्णय, सकाळची अजान होणार लाऊडस्पीकरशिवाय

या संदर्भात घेतलेल्या निर्णयात धर्मगुरूंनी म्हटले आहे की, आता मशिदींमधील सकाळची अजान लाऊडस्पीकरवरून केली जाणार नाही. यासोबतच सर्व मशिदींमध्ये सर्वोच्च न्यायालयाच्या निर्णयाचे पालन केले जाईल. न्यायालयाच्या आदेशानुसार रात्री 10 ते सकाळी 6 या वेळेत ना अजान, ना लाऊडस्पीकरचा वापर होणार

मनसे नेत्यांची धरपकड सुरूच
लाऊडस्पीकर अजानच्या वादावरून महाराष्ट्रात आता राजकारण शिगेला पोहोचले आहे. मंगळवारी ईदनिमित्त अजानच्या वेळी लाऊडस्पीकरवर हनुमान चालिसाचे पठण करण्यात आले. मनसे नेते राज ठाकरे यांच्या वक्तव्यानंतर राजकारण सुरू असून दरम्यान, मनसे कार्यकर्त्यांवर सातत्याने अटक आणि कारवाई सुरू आहे. राज ठाकरे यांच्या निवासस्थानाबाहेर सुरक्षा व्यवस्था वाढवण्यात आली आहे.