तुमच्यापैकी बरेच जण असतील, ज्यांना Instagram वर जन्मतारखेची सूचना मिळाली असेल. वास्तविक इंस्टाग्रामने यूजर्सकडून जन्मतारीख विचारण्यास सुरुवात केली आहे. इंस्टाग्रामने सुमारे आठ महिन्यांपूर्वी पडताळणी सुरू केली होती, नवीन अपडेट हा त्याचाच एक भाग आहे.
आता जर तुम्हाला जन्मतारखेची कोणतीही सूचना मिळाली असेल, तर तुम्हाला काळजी करण्याची गरज नाही. तुम्ही इंस्टाग्राम अकाऊंटमध्ये जन्मतारीख अपडेट केलेली बरी, कारण तुम्ही असे न केल्यास तुम्ही इन्स्टाग्राम अॅप वापरू शकणार नाही.
इन्स्टाग्रामचा हा उपक्रम लहान मुलांना अॅपवर येण्यापासून रोखण्यासाठी आहे. इन्स्टाग्रामच्या पॉलिसीनुसार, तुमचे वय 13 वर्षांपेक्षा कमी असल्यास, तुम्ही इन्स्टाग्राम अकाउंट वापरु शकत नाही, परंतु जन्मतारीख आवश्यक नसल्यामुळे, आज लहान मुले देखील इन्स्टाग्राम वापरत आहेत. इन्स्टाग्रामच्या या अपडेटबाबत अनेकांनी ट्विटरवर तक्रारही केली आहे.
इंस्टाग्रामने आपल्या ब्लॉगमध्ये जन्मतारीख सार्वजनिक करणार नसल्याचे म्हटले आहे. याशिवाय, या डेटाच्या मदतीने तुमचा अनुभव अधिक चांगला करण्याचा प्रयत्न केला जाईल. तुमच्या वयानुसार तुम्हाला जाहिराती दाखवल्या जातील.
तुमच्या माहितीसाठी, आम्ही तुम्हाला सांगतो की, इंस्टाग्रामने 2019 मध्ये वापरकर्त्यांना वयाची माहिती विचारण्यास सुरुवात केली होती आणि ती गेल्या वर्षी अनिवार्य करण्यात आली होती, तरीही काही मुले खोटी जन्मतारीख अपडेट करून अॅप वापरत आहेत. वय तपासण्यासाठी इंस्टाग्राम आणि फेसबुक दोघेही आर्टिफिशियल इंटेलिजन्स (एआय) वापरतात.