नवी दिल्ली – देशातील आघाडीची वाहन निर्माता कंपनी Tata Motors ने अखेरीस आपली नवीन Tata Avinya इलेक्ट्रिक SUV संकल्पना भारतात सादर केली. जनरेशन 3 आर्किटेक्चर ‘बॉर्न इलेक्ट्रिक’ वर आधारित हे ब्रँडचे पहिले संकल्पना मॉडेल आहे, जे अनेक बॉडी स्टाईलना सपोर्ट करते. कार निर्मात्याचे म्हणणे आहे की ही कार अंतर्ज्ञानी, बुद्धिमान आणि अनाहूत आहे. तसेच, यामध्ये ADAS सारखी अत्याधुनिक वैशिष्ट्ये असतील. नवीन आर्किटेक्चरमुळे या कारला केबिनसाठी अधिक जागा मिळणार आहे.
असा दावा केला जात आहे की, टाटा अविन्या खास भारतीय बाजारपेठेला लक्षात घेऊन डिझाईन करण्यात आली आहे. पण, ही कार जागतिक बाजारातही विकली जाईल, असे टाटा समूहाचे अध्यक्ष एन चंद्रशेखरन यांनी सांगितले.
विशेष का आहे नवीन आकिटेक्चर?
टाटाचे बॉर्न इलेक्ट्रिक हे स्केटबोर्ड शुद्ध ईव्ही प्लॅटफॉर्म आहे, जे डिझायनरला “सर्वोत्तम वजन आणि जागा कार्यक्षमता” वापरण्याची परवानगी देते. पारंपारिक स्केटबोर्ड आर्किटेक्चर प्रमाणेच, मोठ्या बॅटरी पॅकला सामावून घेण्यासाठी याला मोठा व्हीलबेस मिळतो. Avinya EV चे प्रोडक्शन व्हर्जन 2025 मध्ये बाजारात लॉन्च केले जाईल.
अविन्याचा अर्थ काय
टाटा मोटर्सचे एमडी शैलेश चंद्र यांनी या कॉन्सेप्ट कारचे नाव अविन्या असे ठेवताना सांगितले की, हा संस्कृत भाषेतून आलेला शब्द आहे. म्हणजे नावीन्य. तसेच या नावात IN देखील येतो. जी भारताची ओळख आहे. चंद्रा म्हणाले की, फ्यूचर आणि वेलनेसच्या मिश्रणातून अविन्याची निर्मिती झाली आहे. ही कार लोकांना प्रवास करताना फ्रेश होण्यासही मदत करेल.
