भ्रमनिरास: माजी आयएएस शाह फैसल यांनी नागरी सेवेत परतण्याचे संकेत, मोदी सरकारबद्दलचा बदलला दृष्टिकोन

अनेक ट्विटमध्ये फैसलने 2019 मध्ये सरकारी नोकरी सोडून राजकारणात उडी घेण्याच्या निर्णयाबद्दल सांगितले होते. बुधवारी केलेल्या ट्विटमध्ये फैसलने त्याच्या आदर्शवादी गोष्टींचाही उल्लेख केला आहे, ज्यामुळे तो राजकारणात आला.

स्थापन केला स्वत:चा राजकीय पक्ष
फैसलने 2009 मध्ये यूपीएससी परीक्षेत टॉप केला होता. त्यांनी जानेवारी 2019 मध्ये आपली सरकारी नोकरी सोडली होती आणि देशातील कथित ‘असहिष्णुते’मुळे राजकारणात प्रवेश केला होता. मार्च 2019 मध्ये त्यांनी ‘जम्मू काश्मीर पीपल्स मूव्हमेंट’ हा स्वतःचा पक्ष स्थापन केला. त्यावेळी आपल्या गृहराज्यात होणाऱ्या विधानसभा निवडणुका लढवण्याचा मानसही फैसलने व्यक्त केला होता.

ट्विटमध्ये फैसलने हे लिहिले आहे
माजी आयएएस अधिकारी शाह फैसल यांनी आपल्या ट्विटमध्ये लिहिले की, माझ्या आयुष्यातील आठ महिन्यांत (जानेवारी 2019-ऑगस्ट 2019) एवढा कचरा निर्माण झाला की मी जवळजवळ थकलो होतो. एका काल्पनिक गोष्टीचा पाठलाग करताना, मी गेल्या काही वर्षांत तयार केलेले जवळजवळ सर्व काही गमावले. मी काम, मित्र, प्रतिष्ठा आणि सदिच्छा सर्व गमावले, परंतु मी कधीही आशा गमावली नाही. माझ्या आदर्शवादाने मला निराश केले, परंतु मी केलेल्या चुका मी दुरुस्त करेन, यावर माझा विश्वास आहे. मला आयुष्यात आणखी एक संधी मिळेल. त्या आठ महिन्यांच्या आठवणींचा काही भाग पुसला गेला आहे आणि मला तो वारसा पूर्णपणे पुसून टाकायचा आहे. त्यातील बरेच काही आधीच निघून गेले आहे. वेळ उरलेल्या गोष्टीही पुसून टाकेल.

उपराज्यपालांचे होणार सल्लागार ?
आपल्या ट्विटमध्ये फैसलने ते पुढे काय करणार आहे आणि कोणती आणि कुठे संधी मिळणार आहे, याचा खुलासा केला नसला, तरी गेल्या एक वर्षापासून त्याच्याबद्दल अटकळ बांधली जात आहे. त्यांना एकतर आयएएस सेवेत बहाल केले जाईल किंवा जम्मू-काश्मीरच्या उपराज्यपालांचे सल्लागार बनवले जाईल, असे मानले जात आहे.

झाली 370 रद्द करण्यासाठी अटक, आता बदलली वृत्ती
जम्मू-काश्मीरचा विशेष दर्जा रद्द करण्याच्या आणि कलम 370 रद्द करण्याच्या निषेधार्थ फैसलला अटक देखील झाली होती, परंतु गेल्या काही महिन्यांत त्याचा दृष्टिकोन बदलला आहे. आता ते केंद्र सरकारच्या धोरणांचे समर्थन करताना दिसत आहेत. ते पंतप्रधान नरेंद्र मोदी आणि गृहमंत्री अमित शहा यांचे भाषण आणि ट्विट सोशल मीडियावर शेअर करताना दिसत आहेत.