मुंबई : हनुमान चालिसा वादामुळे चर्चेत आलेल्या खासदार नवनीत राणा आणि त्यांचे आमदार पती रवी राणा यांचा पोलिस कोठडीत चहा पिताना व्हिडिओ (सीसीटीव्ही फुटेज) समोर आल्याने खळबळ उडाली आहे. मुंबईचे पोलिस आयुक्त संजय पांडे यांनी मंगळवारी हे फुटेज ट्विट केले. यामध्ये राणा दाम्पत्य चहा पिताना दिसत आहे, तर त्यांच्या समोर टेबलावर पाण्याच्या बाटल्या ठेवल्या आहेत. 12 सेकंदांचा हा व्हिडिओ ट्विट करत पांडे यांनी लिहिले की, आम्ही आणखी काही बोलू का?’ मंगळवारी, व्हिडिओ ट्विट केल्याच्या काही तासांनंतर, राणा दाम्पत्याने त्यांचे वकील रिझवान मर्चंट यांच्यामार्फत स्पष्टीकरण जारी केले आणि दावा केला की शनिवारी अटक केल्यानंतर पोलिसांनी त्यांना सांताक्रूझ पोलिस स्टेशनच्या लॉकअपमध्ये ठेवले होते. जिथे त्यांच्यावर अत्याचार केले गेले. तो लॉकअप खार पोलीस ठाण्यात नसून सांताक्रूझ पोलीस ठाण्यात आहे, तर आयुक्तांनी खार पोलीस ठाण्यातील सीसीटीव्ही फुटेज जारी केले आहेत.
नवनीत राणांच्या वकीलाचा दावा
मर्चंट यांनी असा दावा केला आहे की मला फक्त स्पष्ट करायचे आहे की संजय पांडे सरांचे ट्विट माझ्या क्लायंटने खार पोलिस स्टेशनमध्ये अटक केल्यानंतर घालवलेल्या वेळेबद्दल आहे. त्यांना अधिकाऱ्यांनी चहा दिला, यात शंका नाही, पण ते (राणा दाम्पत्य) दुपारी एक वाजेपर्यंत खार पोलिस ठाण्यात होते. दुपारी 1 नंतर त्यांना सांताक्रूझ पोलिस स्टेशनच्या लॉकअपमध्ये आणण्यात आले, तेथे त्यांना रात्रभर ताब्यात ठेवण्यात आले. मर्चंट म्हणाले की, नवनीत राणा यांच्यासोबत झालेल्या गैरवर्तनाची तक्रार खार पोलीस ठाण्यातील अटकेशी संबंधित नसून सांताक्रूझ पोलीस ठाण्यातील कोठडीशी संबंधित आहे.
गृहमंत्री म्हणाले – तक्रारीत योग्यता नाही
राणा दाम्पत्य प्रकरणात राज्याचे गृहमंत्री दिलीप वळसे पाटील यांनी पोलिसांना क्लीन चिट दिली आहे. नवनीत यांनी केलेल्या तक्रारीची चौकशी केली असता त्यात तथ्य आढळले नाही, असे त्यांचे म्हणणे आहे. दुसरीकडे, संजय पांडे यांच्या ट्विटनंतर शिवसेना खासदार संजय राऊत म्हणाले की, काही दिवसांपासून मुंबई पोलिसांची बदनामी करण्याचे षडयंत्र सुरू आहे. राणा दाम्पत्याने मुंबई पोलिसांवर खोटे आरोप केले. याशिवाय माजी मुख्यमंत्री आणि विरोधी पक्षनेते देवेंद्र फडणवीस यांनी पोलिसांवर खोटे आरोप करणे चुकीचे आहे. संजय पांडे यांनी बिनबुडाच्या आरोपांना पुराव्यानिशी उत्तर दिले. देशाने पांडे यांचे आभार मानले पाहिजेत. पोलिसांनी राणासोबत सभ्य वर्तन केल्याचे स्पष्ट झाले आहे.