नवी दिल्ली – धर्म संसदेबाबत दिल्ली पोलिसांच्या प्रतिज्ञापत्रावर सर्वोच्च न्यायालयाने नाराजी व्यक्त केली आहे. दिल्ली पोलिसांच्या या उत्तरावर सर्वोच्च न्यायालयाने नाराजी व्यक्त केली आहे. दिल्ली पोलिसांच्या क्लीन चिटवर प्रश्नचिन्ह उपस्थित करत त्यांना पुन्हा प्रतिज्ञापत्र दाखल करण्यास सांगण्यात आले आहे. या प्रकरणाची पुढील सुनावणी आता ९ मे रोजी होणार आहे.
काय म्हणाले दिल्ली पोलीस?
दिल्ली पोलिसांनी सर्वोच्च न्यायालयाला सांगितले की त्यांनी आपल्या प्रतिज्ञापत्रावर पुनर्विचार करणे आवश्यक आहे आणि ते नवीन प्रतिज्ञापत्र दाखल करतील. सुप्रीम कोर्टाने दिल्ली पोलिसांना दोन आठवड्यांच्या आत ‘चांगले प्रतिज्ञापत्र’ दाखल करण्यास सांगितले आहे.
दिल्लीत द्वेषपूर्ण भाषण दिले नाही – दिल्ली पोलिस
विशेष म्हणजे 14 एप्रिल रोजी धर्म संसदेत प्रक्षोभक वक्तव्याबाबत सर्वोच्च न्यायालयात सुनावणी झाली. त्या सुनावणीत दिल्ली पोलिसांनी आपल्या उत्तरात म्हटले होते की, धर्म संसदेत कोणत्याही समुदायाविरुद्ध कोणतीही टिप्पणी केली नाही. धर्म संसदेतील कथित द्वेषपूर्ण भाषणाची चौकशी करण्याचे निर्देश न्यायालयाला देण्याची मागणी करण्यात आली आहे.
गेल्या सुनावणीत दिल्ली पोलिसांनी म्हटले होते की, याचिकाकर्त्यांनी कथित घटनेबाबत कोणतीही कारवाई करण्यासाठी त्यांच्याशी संपर्क साधला नव्हता आणि थेट न्यायालयात धाव घेतली होती आणि अशी प्रथा थांबवावी. पत्रकार कुर्बान अली, पाटणा उच्च न्यायालयाचे माजी न्यायाधीश आणि ज्येष्ठ वकील अंजना प्रकाश यांनी द्वेषयुक्त भाषणासंदर्भात याचिका दाखल केली आहे.
१९ डिसेंबर रोजी करण्यात आले होते धर्म संसदेचे आयोजन
दिल्ली पोलिसांनी आपल्या प्रतिज्ञापत्रात म्हटले आहे की, गेल्या वर्षी 19 डिसेंबर रोजी द्वेषपूर्ण भाषणासंदर्भात काही तक्रारी नोंदवण्यात आल्या होत्या. त्याआधारे पोलिसांनी तपास सुरू केला. धर्मसंसदेचा व्हिडिओही तपासण्यात आला, मात्र त्यात काहीही आक्षेपार्ह आढळले नसल्याचे पोलिसांनी सांगितले.