जबरदस्ती आरती करताना कसे काय वाटले अजित पवार साहेब ?; निलेश राणेंचा खोचक टोला

उपमुख्यमंत्री अजित पवार, प्रदेशाध्यक्ष जयंत पाटील, खासदार सुप्रिया सुळे, शहराध्यक्ष प्रशांत जगताप यावेळी उपस्थित होते. प्रशांत जगताप यांनी यावेळी हनुमान चालीसा म्हटली, तर मुस्लिम बांधवांनी नमाज पठण केले. यावेळी हनुमान जयंती निमित्त मंदिरामध्ये अजित पवार यांनी आरती केली. यावरुन आता माजी खासदार निलेश राणे यांनी अजित पवार यांच्यावर निशाणा साधला आहे.

अजित पवार यांना टोला निलेश राणे यांनी ट्विट करत लगावला आहे. आज कधी नव्हे ते अजित पवारांना हनुमान जयंतीच्या निमित्ताने आरती करताना बघितलं, काय अजित पवार साहेब कसं वाटलं जबरदस्ती आरती करताना?? हनुमान जयंतीनिमित्त वातावरण ढवळून निघाल्याने ज्यांना मंदिरात जायची एलर्जी होती ते सुद्धा भगवे पट्टे घालून मंदिरात धडपडत होते, असे निलेश राणेंनी म्हटले आहे.