नवी दिल्ली – भारतातून आता नेपाळला जायचे असेल, तर भारतीय रेल्वेकडून ट्रेन सुरू करण्यात आली आहे. भारतीय रेल्वेकडून एकूण दोन रेल्वे गाड्या सुरू करण्यात आल्या असून सकाळी 8.15 आणि दुपारी 2:45 वाजता ही गाडी जयनगर स्थानकातून सुटेल. एका दिवसात दोन फेऱ्या ही रेल्वे करेल. जयनगर ते कुर्था ही लक्झरी रेल्वे सेवा तब्बल आठ वर्षांनंतर सुरू झाली. त्याचे उद्घाटन भारताचे पंतप्रधान नरेंद्र मोदी आणि नेपाळचे पंतप्रधान शेर बहादूर देउबा यांनी केले.
या मार्गावर सर्वसामान्य प्रवाशांसाठी गेल्या रविवारपासून या रेल्वेचे संचालन सुरू झाले आहे. जयनगर येथून सकाळी 8.15 वाजता आणि दुपारी 2:45 वाजता जनकपूरसाठी गाडी सुटेल. जयनगर ते जनकपूर प्रवास करण्यासाठी एक तास 20 मिनिटे आणि जनकपूरहून जयनगरला जाण्यासाठी एक तास 40 मिनिटे लागतील. एका दिवसात दोन फेऱ्या डीएमयू करेल. त्याच वेळी, सकाळी 11:05 वाजता जनकपूर येथून आणि संध्याकाळी 5:35 वाजता जयनगरसाठी ही ट्रेन सुरू होईल.
जयनगर आणि कुर्था दरम्यान एकूण 7 स्थानके आहेत. जयनगर ते इनरवा 4.5 किमी, जयनगर ते खजुरी 8.6 किमी, जयनगर ते महिनाथपूर 14.15 किमी, जयनगर ते वैदेही 18.53 किमी, जयनगर ते पेरहया 21.6 किमी, जयनगर ते जनकपूर 29.5 किमी आणि जयनगर ते जनकपूर 29.5 किमी आणि जयनगर ते 34 किमी असून रेल्वे सेवा सुरू झाल्यानंतर भारतातून नेपाळला जाण्यासाठी केवळ 12.50 रुपये खर्च करावे लागतील. जयनगर ते इनरवाचे भाडे रु. 12.50 आहे. दुसरीकडे, खजुरीला जाण्यासाठी 15.60 रुपये, महिनाथपूरला जाण्यासाठी 21.87 रुपये, वैदेहीला जाण्यासाठी 28.12 रुपये, 34.00 रुपये, जनकपूरला 43.75 रुपये आणि कुर्थाला जाण्यासाठी 56.25 रुपये मोजावे लागतील.