सेल्फ टेस्टिंगबाबत मुंबई महानगरपालिकेची नवी नियमावली जारी


मुंबई : घरगुती चाचण्या किंवा रॅपिड अन्टीजेन संच उत्पादक, विक्रेते यांना संचाच्या विक्रीबाबतचे तपशील महानगरपालिकेला देणे, आता बंधनकारक असणार आहे. मुंबई महानगरपालिकेने या संचाच्या वापराबाबतची नियमावली जाहीर केली आहे.

मुंबईत घरगुती किंवा रॅपिड अन्टीजेन चाचण्यांचा वापर वाढला असून याचे अहवाल वापरणांऱ्यामार्फत संबंधित यंत्रणेला दिले जात नसल्यामुळे आता वापरकर्त्यांचा पाठपुरावा करणारी यंत्रणा महानगरपालिकेने सुरू केली आहे.

नव्या नियमावलीनुसार, या चाचण्यांचे संच उत्पादन करणाऱ्या कंपन्या, औषध विक्रते किंवा वितरक यांना संच विक्री केलेल्यांची तपशीलवार माहिती महानगरपालिकेने दिलेल्या ईमेल आयडीवर दररोज द्यावी लागणार आहे

अशी आहे महानगरपालिकेची नवी नियमावली

  • होम टेस्टिंग अँटीजेन किटचे उत्पादक/वितरकांनी क्रमांकाची माहिती द्यावी. मुंबईतील केमिस्ट/फार्मसी/मेडिकल स्टोअर्स/डिस्पेन्सरी यांना विकल्या गेलेल्या किटचे फॉर्म A मध्ये आयुक्त, अन्न व औषध प्रशासन (FDA) यांना ईमेल आयडी whogmp.mahafda@gmail.com वर तसेच महानगरपालिकेच्या एपिडेमियोलॉजी सेलला ईमेलवर आयडी ही माहिती उपलब्ध करून देणे बंधनकारक करण्यात आले आहे.
  • केमिस्ट/फार्मसी/मेडिकल स्टोअर दवाखाने ग्राहकांना विकल्या गेलेल्या होम टेस्टिंग अँटीजेन किटचा तपशील ‘बी’ फॉर्ममध्ये आयुक्त, FDA यांना ईमेल आयडी whogmp.mahafda@gmail.com वर तसेच महानगरपालिकेच्या एपिडेमियोलॉजी सेलला ईमेल आयडीवर द्यावा.
  • केमिस्ट/फार्मसी/मेडिकल स्टोअर/ दवाखाने होम टेस्टिंग अँटीजेन किट्सच्या खरेदीदाराला बिल जारी करतील आणि ज्या ग्राहकांना होम टेस्टिंग अँटीजेन किट्स विकल्या जातात, त्यांची नोंद खाली दिलेल्या फॉरमॅटमध्ये ठेवली जाईल. त्याचप्रमाणे या स्वरूपातील माहिती केमिस्ट/फार्मसी/मेडिकल स्टोअर/डिस्पेन्सरी यांनी दररोज संध्याकाळी 6.00 वाजेपर्यंत आयुक्त, FDA यांना ईमेल whogmp.mahafda@gmail.com वर तसेच एपिडेमियोलॉजी सेल, महानगरपालिकेच्या ईमेल आयडीवर शेअर करावी.
  • मुंबईतील खरेदीदार नागरिक सर्व केमिस्ट/फार्मसी/मेडिकल स्टोअर्स आणि वितरकांच्या होम टेस्टिंग अँटीजेन किट्सच्या वितरण आणि विक्रीवर आयुक्त, FDA हे देखरेख ठेवतील. आयुक्त, FDA यांच्याकडून केमिस्ट/फार्मसी/मेडिकल स्टोअर/डिस्पेन्सरी यांना किट खरेदी करणाऱ्या व्यक्तीला दिलेल्या अॅपवर चाचणी अहवाल कळवण्यास सांगितले जाईल.
  • उत्पादक, वितरक, केमिस्ट, फार्मसी, मेडिकल स्टोअर्स इत्यादींकडून होम टेस्टिंग अँटीजेन किट्सशी संबंधित डेटा इमेलद्वारे प्राप्त केला जाईल, त्यावर एपिडेमियोलॉजी सेल, महानगरपालिकेद्वारे परीक्षण केले जाईल आणि पुढील आरोग्य विभागाच्या वैद्यकीय अधिकाऱ्यांच्या संबंधित वॉर्डकडे पाठवले जाईल.
  • ICMR वेबसाइट / अॅपवर त्या व्यक्तीने निकाल अपलोड करावा आणि रुग्णाच्या किंवा संबंधित व्यक्तीच्या आरोग्यावर लक्ष ठेवले जाईल, याची खात्री करण्यासाठी वॉर्ड टीम काम करेल.