आरटीपीसीआरसह कोरोना संदर्भातील इतर सेवांचे राज्य सरकारने निश्चित केलेले नवे दर


मुंबई – आपल्याला कोरोनाची लागण झाली आहे का? याबद्दल माहिती देणारी आरटीपीसीआर चाचणी महत्वाची चाचणी आहे. सर्वसामान्यांच्या खिशाला फटका बसवणारे या चाचणीचे दर होते. पण या चाचणीचे दर आता कमी झाले आहेत. शासनाने एक परिपत्रक काढत या नव्या दरांची घोषणा केली आहे.

राज्यातील औद्योगिक औषध निर्माण संस्था मिशन बिगीन अगेन अंतर्गत सुरू झाल्या आहेत. तसेच परिवहन व्यवस्थाही सुरू झाली आहे. तपासणीसाठी आवश्यक रिएजंट्स, व्हीटीएम कीट्स, पीपीई कीट्स, आरएनए एक्स्ट्रॅक्शन कीट हे माफक दरात उपलब्ध झाले असून एन ९५ मास्कचे कमाल दर १४ ते ४९ रुपयांपर्यंत निश्चित करण्यात आले आहेत.

दरम्यान राज्य सरकारकडून खासगी प्रयोगशाळांसाठी कोरोना चाचणीचे दर सर्व करांसह निश्चित करण्यात आले आहेत. हे दर खालीलप्रमाणे-

  • तपासणी केंद्रावरुन अथवा एकत्रित तपासणी नमुने चाचणीसाठी नेणे, येण्याजाण्याचा खर्च, आवश्यक सामग्रीसह दर – ३५० रुपये
  • विलगीकरण कक्ष, कोविड सेंटर, कोरोना चाचणी बुथ यासाठी सर्व साहित्यासह दर – ५०० रुपये
  • रुग्णाच्या घरात जाऊन नमुने घेणे, येण्याजाण्याचा, नमुन्यांना घेऊन जाण्याचा खर्च, अहवालासाठी लागणारं साहित्य तसंच इतर आवश्यक सामग्रीसह खर्च – ७०० रुपये

ELISA for SARS Covid-2 Antibodies Test

  • रुग्ण स्वत: प्रयोगशाळेत तपासणीसाठी आल्यास – २०० रुपये
  • तपासणी केंद्रावरुन अथवा एकत्रित तपासणी नमुने घेतल्यास – २५० रुपये
  • रुग्णाच्या घरी जाऊन तपासणीसाठी नमुना घेतल्यास – ३५० रुपये

CLIA for SARS Covid-2 Antibodies Test

  • रुग्ण स्वत: प्रयोगशाळेत तपासणीसाठी आल्यास – ३०० रुपये
  • तपासणी केंद्रावरुन अथवा एकत्रित तपासणी नमुने घेतल्यास – ४०० रुपये
  • रुग्णाच्या घरी जाऊन तपासणीसाठी नमुना घेतल्यास – ५०० रुपये

Rapid Antigen Test for SARS Covid-2

  • रुग्ण स्वत: प्रयोगशाळेत तपासणीसाठी आल्यास – १०० रुपये
  • तपासणी केंद्रावरुन अथवा एकत्रित तपासणी नमुने घेतल्यास – १५० रुपये
  • रुग्णाच्या घरी जाऊन तपासणीसाठी नमुना घेतल्यास – २५० रुपये

CB-NAAT /TRUENAT

  • रुग्ण स्वत: प्रयोगशाळेत तपासणीसाठी आल्यास – १२०० रुपये