ही चूक केली तर एका मिनिटात रिकामे होऊ शकते बँक खाते


आपण दररोज वेगवेगळ्या फसवणुकीच्या पध्दती ऐकत असतो. यामध्ये सर्वाधिक सायबर फसवणुकीचे प्रमाण आहे. आता यामध्ये सिम स्वॅपिंग हा प्रकार देखील जोडला गेला आहे. सिम स्वॅपिंगद्वारे हँकर्स लोकांच्या बँकेच्या खात्यातून पैसे उडवतात. असेच एक प्रकरण दिल्लीमध्ये घडले असून, दिल्लीच्या एका उद्योगपतीचे सिम स्वॅपिंगकरून खात्यातून 18 लाख रूपये काढण्यात आले.

सिम स्वॅपचा अर्थ सिम कार्डला बदलणे अथवा त्याच नंबरचे दुसरे सिम कार्ड घेणे. यामध्ये तुमच्या मोबाईल नंबरद्वारे आणखी एका सिमचे रजिस्ट्रेशन केले जाते. त्यानंतर तुमचे सिमकार्ड बंद होऊन, त्या व्यक्तीच्या मोबाईलमध्ये सिम कार्ड चालू होते. याचा फायदा घेत तो मोबाईलवर ओटीपी मागवतो व तुमच्या खात्यातून पैसे काढून घेतो.

सायबर सिक्युरिटी एक्सपर्ट प्रशांत माळी यांच्यानुसार, 2011 नंतर या प्रकरणात वाढ झाली असून, ही कामगिरी फक्त एक व्यक्ती करत नसून, त्यामागे अनेक व्यक्ती असतात. 2018 मध्ये भारतात याद्वारे 200 करोड रूपयांची फसवणूक करण्यात आली आहे. आधी सोशल मीडियाद्वारे तुमच्या लक्ष्य ठेऊन, माहिती गोळा केली जाते. अनेकवेळा अनोळखी नंबरवरून देखील तुम्हाला कॉल येतो व तुमची माहिती घेतली जाते.

सिम स्वॅपिंगची सुरूवात –
हे चोर कॉल करून सिम कार्ड कंपनीतून बोलत असल्याचा दावा करतात.  त्यानंतर ते सिम कार्डच्या मागे असलेला 20 अंकाचा नंबर मागतात. नंबर सांगितल्यावर ते 1 अंक दाबायला सांगतात. 1 अंक दाबताच नवीन सिम कार्डचे ऑथेंटिकेशन येते व तुमचे नेटवर्क गायब होते.

तुमचे नेटवर्क गायब होताच,  त्या चोराच्या मोबाईलमध्ये असलेल्या सिम कार्डमध्ये नेटवर्क येते. त्यांच्याकडे लोकांचे इंटरनेट बँकिंगचे पासवर्ड आणि आयडी आधीच असतात. व्यवहार करण्यासाठी त्यांना ओटीपीची गरज असते व सिम स्वॅपिंगद्वारे ते व्यवहार पुर्ण करतात.

हे फसवणूक करणारे लोक एक बनावटी साईट्सद्वारे संपुर्ण माहिती गोळा करतात. गुगलवर तुम्ही इंटरनेट बँकिंग सर्च केल्यानंतर कोणत्याही बनावटी साईट्सवर तुमची माहिती दिली असेल तेथून हे तुमची माहिती जमा करतात. त्यामुळे बँकिंग व्यवहार हे बँकेच्या अधिकृत वेबसाईट्सद्वारेच करावे.

सिम कार्ड चालू होण्यासाठी चार तास लागत असतात. अशावेळी फसवणूक करणारे सतत कॉल करून त्रास देत असतात. जेणेकरून तुम्ही फोन बंद करून ठेवाल. जेणेकरून त्यांना सिम कार्ड चालू करण्यास वेळे मिळेल. त्यामुळे फोन बंद करू नये.

जर एखादी व्यक्ती तुम्हाला कॉल करून सांगत असेल की, तुमच्या खात्यात पैसे जमा करतो. तर अशा व्यक्तीपासून सावध रहा. कारण ती रक्कम ही सिम स्वॅपिंगद्वारे काढलेली असू शकते. त्यामुळे तुम्ही देखील त्यात अडकू शकता.

जर काळजी घेतल्यानंतर देखील तुमच्याबरोबर अशी घटना घडली तर अशावेळे बँकेच्या कस्टमर केअरला कॉलकरून सर्वात प्रथम डेबिट व क्रेडिट कार्ड बंद करा वे बँकेला लेखी तक्रार करा.

Leave a Comment