मुंबई- काल देशाने कोरोना लसीकरणाचा १०० कोटींचा टप्पा पार केल्यानंतर पंतप्रधान नरेंद्र मोदींनी त्यांच्या ट्विटर अकाऊंटवरील डिपी बदलला आहे. आपल्या फोटोद्वारे पंतप्रधानांनी देशवासियांचे १०० कोटी लसी घेतल्याबद्दल अभिनंदन केले आहे. आपल्या राष्ट्रध्वजाचे रंग ‘तिरंगा’ देखील फोटोमध्ये आहे. देशाने २१ ऑक्टोबर २०२१ रोजी कोरोना लसीकरणाचा १०० कोटींचा टप्पा पार करून विक्रम केला आहे. देशातील सर्व नेत्यांनी या ऐतिहासिक विक्रमासाठी देशाचे अभिनंदन केले आहे.
पंतप्रधान नरेंद्र मोदी यांनी देशात १०० कोटी लसीकरणाच्या आनंदात, फेसबुक आणि ट्विटरवरील त्यांचे डीपी बदलले आहेत. एका नवीन फोटोद्वारे पंतप्रधानांनी भारताचे अभिनंदन केले आहे, ज्यात कोरोनाच्या विरोधात १०० कोटी डोस असे लिहिले गेले आहे. त्याचबरोबर फोनवर ऐकली जाणारी कोरोनासंदर्भातील कॉलर ट्यून आता बदलली आहे.
तुमच्या मोबाईलमध्ये प्ले होणारी कॉलर ट्यून देखील लसीकरणाच्या विक्रमानंतर बदलली आहे. आता जर तुम्ही फोन केला तर तुम्हाला लसीकरण मोहिमेचा यशस्वी संदेश ऐकायला मिळेल. हे लक्षात घेण्यासारखे आहे की जेव्हापासून देशात कोरोना महामारीने आली, तेव्हापासून मोबाइल फोन वापरकर्त्यांना कोरोना महामारीबाबत सतर्क करण्यासाठी कॉलर ट्यून ऐकायला जात होती. पण, बऱ्याच वेळा लोकांना याचा कंटाळा आला आहे आणि तक्रारही केली आहे. काही लोकांनी कॉलर ट्यून काढण्यासाठी न्यायालयात धावही घेतली होती.