सिडनी – बुधवारी सिडनीमध्ये घरगुती हिंसाचाराच्या आरोपाखाली ऑस्ट्रेलियाचा माजी क्रिकेटपटू मायकेल स्लेटरला अटक करण्यात आली. ५१ वर्षीय स्लेटरला गेल्या आठवड्यात एका कथित घटनेच्या संदर्भात अटक करण्यात आल्याची माहिती स्थानिक माध्यमांनी दिली आहे. सिडनीच्या नॉर्थ बीचवर एका ५१ वर्षीय व्यक्तीला ताब्यात घेतल्याची पुष्टी न्यू साउथ वेल्स पोलिसांनी केली.
मंगळवारी १२ ऑक्टोबर २०२१ रोजी कथितरित्या घडलेल्या घरगुती हिंसाचाराच्या घटनेचा अहवाल प्राप्त झाल्यानंतर, ईस्टर्न उपनगर पोलीस एरिया कमांडशी संबंधित अधिकाऱ्यांनी तपास सुरू केला. चौकशी केल्यानंतर, पोलीस आज सकाळी ९:२० च्या सुमारास एका घरात गेले आणि ५१ वर्षीय व्यक्तीशी बोलले. तेव्हापासून त्याला अटक करून पोलीस ठाण्यात नेण्यात आल्याचे पोलिसांनी एका निवेदनात म्हटले आहे.